New Labour Code: જો તમે નોકરી બદલવાનું વિચારી રહ્યા છો અથવા ઓફિસ પર કોઈપણ કારણોસર નોકરી છોડવી પડી શકે છે, તો તમારા માટે એક ખુશીના સમાચાર છે. મહિનાઓ સુધી ફુલ એન્ડ ફાઇનલ (FnF)ની રાહ જોનારા કર્મચારીઓ માટે સરકારે મોટી મદદ કરી છે. નવા લેબર કોડ લાગુ થતા જ હવે કંપનીઓએ ફક્ત બે કાર્યકારી દિવસમાં જ ફુલ એન્ડ ફાઇનલ ચૂકવણી કરવાની રહેશે.
આ પણ વાંચોઃ 14 મહિના બાદ નિફ્ટીએ ઓલ ટાઈમ હાઈ સાથે રેકોર્ડ સર્જ્યો, સેન્સેક્સ પહેલીવાર 86000ને પાર
શું છે નવો નિયમ?
નવા વેતન સંહિતા હેઠળ, હવે તમામ પ્રકારના કર્મચારીઓને બે કાર્યકારી દિવસોમાં સત્તાવાર રીતે તેમનો સંપૂર્ણ અને અંતિમ પગાર ચૂકવવામાં આવશે. BTG અડવાયના ભાગીદાર અર્જુન પાલેરીના જણાવ્યા અનુસાર, વેતન સંહિતા 2019ની કલમ 17(2) સ્પષ્ટપણે જણાવે છે કે, કર્મચારીનો સંપૂર્ણ પગાર કર્મચારીના છેલ્લા કાર્યકારી દિવસ પછીના બે કાર્યકારી દિવસોમાં ચૂકવવો ફરજિયાત છે. આમાં પગાર, બાકીની રજા અને અન્ય કોઈપણ બાકી રકમનો સમાવેશ થાય છે. જો કે, ગ્રેચ્યુઇટી જેવી ચોક્કસ રકમ હજુ પણ અલગ નિયમો હેઠળ ચોક્કસ સમયે ચૂકવવામાં આવશે.
પહેલાં, કંપનીઓ વિલંબ કરતી
અત્યાર સુધી, કંપનીઓને ફુલ એન્ડ ફાઇનલ માટે 30 દિવસ સુધીનો સમય મળતો હતો. આ પ્રક્રિયા ક્યારેક વધુ લાંબી થતી હતી કારણ કે, FnFમાં વિવિધ બાકી રકમ, જેમ કે લીવ એનકેશમેન્ટ, પેન્ડિંગ બોનસ અને ગ્રેચ્યુટીનો સમાવેશ થાય છે. કંપનીઓ ઘણીવાર બધી ચૂકવણી એકસાથે પતાવટ કરવાનો પ્રયાસ કરતી હતી, જેના કારણે કર્મચારીઓને અઠવાડિયા સુધી રાહ જોવી પડતી હતી.
આ પણ વાંચોઃ પોસ્ટ ઓફિસની એવી ગજબ સ્કીમ, એક વાર રોકાણ કરો અને વ્યાજથી કમાઓ 5 લાખ રૂપિયા!
કર્મચારીઓના લાભ
- લાંબી રાહ જોવાનો અંત આવ્યો.
- કંપનીઓ હવે પગાર રોકી નહીં શકે.
- નોકરીઓ બદલવી સરળ બનશે.
- નાણાંકીય અસુરક્ષામાં ઘટાડો.
- કંપનીઓની જવાબદારીમાં વધારો.
આ નવા સરકારી નિયમથી કંપનીઓને તેમની HR અને પે-રોલ પ્રક્રિયાઓ ઝડપી અને વધુ પારદર્શક બનાવવાની જરૂર પડશે. વિલંબ માટે પણ કાર્યવાહી શક્ય છે, જેનાથી નિયમો વધુ કડક બનશે.
