Bhuj News : ભુજના માધાપરમાં તાંત્રિક વિધિના બહાને મહિલાની છેતડી કરાઈ હોવાની ઘટના સામે આવી છે. પરિવારના સભ્યો બીમાર રહેતા હોવાથી મહિલા આરોપી પાસે નડતર દૂર કરવા જતાં છેડતીનો ભોગ બની હતી. સમગ્ર મામલે મહિલાએ માધાપર પોલીસમાં ફરિયાદ નોંધાવતા પોલીસે આરોપીની ધરપકડ કરી છે.
ભુજના માધાપરમાં તાંત્રિત વિધિના બહાને મહિલાની છેડતી
મળતી માહિતી મુજબ, ભુજના માધાપરના જલારામ સોસાયટીમાં રહેતા વિશાલ મારાજ નામના વ્યક્તિ પાસે એક મહિલા નડતર દૂર કરાવવા ગઈ હતી. આરોપીએ તાંત્રિક વિધિ કરવાનું જણાવ્યું હતુ. જેમાં આરોપીએ મહિલાના મોં પર સ્પ્રે મારીને બેભાન કરી હતી અને છેડતી કરવાનો પ્રયાસ કર્યો હતો. જોકે, તેવામાં મહિલા ભાનમાં આવી જતાં ચોંકી ઊઠી હતી.
આ પણ વાંચો: VIDEO: અમદાવાદ પોલીસ પર રૂ.180 કરોડના ‘રિક્ષા હપ્તા કાંડ’નો આરોપ: કોંગ્રેસે સ્ટિંગ ઓપરેશન દ્વારા સ્ટીકરવાળી ઉઘરાણીનો કર્યો પર્દાફાશ
સમગ્ર ઘટના મામલે મહિલાએ માધાપર પોલીસમાં ફરિયાદ નોંધાવી હતી. પોલીસે મહિલાની ફરિયાદના આધારે આરોપીની ધરપકડ કરીને આગળની કાર્યવાહી હાથ ધરી છે.
પોલીસે જણાવ્યું કે, આરોપી ક્રાઈમ પેટ્રોલ જોઈને તાંત્રિક વિધિના નામે મહિલાની છેડતી કરતો હતો. જોકે, આરોપીએ અન્ય કોઈ મહિલાઓ સાથે આ પ્રકારની હરકત કરી છે કે નહીં, તે દિશામાં તપાસ હાથ ધરી છે. પોલીસે સ્થાનિકોને અંધશ્રદ્ધામાં ન આવવા અપીલ કરી હતી.
