રિપોર્ટ અનુજ ઠાકર.
ગુજરાતી ફિલ્મ જગતમાં ફરી એકવાર હાસ્યની લહેર લાવતી નવી ફિલ્મ ‘જય કનૈયાલાલ કી’ નું ટિઝર રિલીઝ થયું છે. સિદ્ધાર્થ રાંદેરિયા, હિતુ કનોડિયા અને વૈશાલી ઠક્કર જેવા જાણીતા કલાકારોની મુખ્ય ભૂમિકાવાળી આ ફિલ્મમાં હળવી રમૂજ, સંવેદનશીલ ભાવનાઓ અને પરિવારના આંતરિક નાટકનો સરસ સમન્વય જોવા મળે છે.
અચાનક પડતી સમસ્યાઓથી ઉદ્ભવતી મસ્ત-મજાની ઘટના શ્રેણી
ટીઝરની શરૂઆતમાં સિદ્ધાર્થ રાંદેરિયા પોતાના જીવનમાં આવેલી અણધારી પરિસ્થિતિ વિશે વાત કરે છે. એ પછી તેમની સાથે બનતા ગેરસમજના કિસ્સાઓ, પરિવારની જૂની માન્યતાઓ અને રીત-રિવાજોને કારણે સર્જાતી ગૂંચવણો એક હાસ્યાસ્પદ વાવાઝોડું ઊભું કરે છે.
ટીઝર સ્પષ્ટ કરે છે કે કેવી રીતે ઘરના સભ્યો તર્ક છોડીને માન્યताओंને વધારે મહત્વ આપે છે અને એક સામાન્ય ઘટના પણ અતિશય વિનોદસભર આકાર લઈ લે છે.
‘સ્લાઇસ ઑફ લાઇફ’નો મિજાજ
ફિલ્મ રોજિંદી જીવનની નાની-નાની સમસ્યાઓને ભાવનાત્મક પળો સાથે ગૂંથીને એક એવું પરિપ્રેક્ષ્ય ઊભું કરે છે, જેમાં હાસ્ય અને હૃદયસ્પર્શતા બંનેનો સરસ તાદાત્મ્ય જોવા મળે છે. ગુજરાતી પરિવારોની પરિચિત પરિસ્થિતિઓને રજૂ કરતી આ ફિલ્મ દર્શકોને પોતાને જ પડદા પર જોવાની અનુભૂતિ કરાવે છે.
TMKOC ફેમ ધર્મેશ મહેતાનું સંચાલન
ફિલ્મનું નિર્દેશન ‘તારક મહેતા કા ઉલ્ટા ચશ્મા’ ફેમ ધર્મેશ મહેતાએ કર્યું છે, જેઓ તેમની હાસ્યપ્રધાન ટાઈમિંગ અને પરફેક્ટ ફેમિલી ડ્રામા સ્ટાઈલ માટે જાણીતા છે.
SVF એન્ટરટેઇનમેન્ટના બેનર હેઠળ બનેલી આ ફિલ્મમાં સિદ્ધાર્થ રાંદેરિયા, હિતુ કનોડિયા અને વૈશાલી ઠક્કર ઉપરાંત હિન્દી ટીવીની લોકપ્રિય એક્ટ્રેસ અનેરી વજાણી અને શ્રેય મારડિયા પણ મહત્વની ભૂમિકામાં જોવા મળશે.
સંગીતમાં પ્રતિભાશાળી અવાજો
ફિલ્મનું સંગીત ડૉ. કેદાર ઉપાધ્યાય અને ભાર્ગવ પૂરોહિતે સંભાળ્યું છે. ફિલ્મના ગીતોમાં બોલિવૂડના જાણીતા ગાયક શાન, અમિત ત્રિવેદી અને ગુજરાતના લોકપ્રિય ગાયક પાર્થિવ ગોહિલના અવાજો સંભળાવા જઈ રહ્યા છે, જે ફિલ્મના ભાવનાત્મક અને રમૂજી રંગોને વધુ ઉજાગર કરશે.
