– બોરસદના દેદરડા ગામની યુવતી અને
– ઉમરેઠ અને બોરસદ પોલીસે જાણવા જોગ નોંધ કરી વધુ તપાસ હાથ ધરી
આણંદ : ઉમરેઠ નજીકના લીંગડા ગામની પરિણીતા ત્રણ વર્ષીય દીકરી સાથે લાપતા થઈ હતી. જ્યારે બોરસદ તાલુકાના દેદરડા ગામની ૧૯ વર્ષીય યુવતી રહસ્યમય રીતે ગુમ થતા બોરસદ ગ્રામ્ય પોલીસ મથકે જાણવાજોગ નોંધ કરી તપાસ હાથ ધરી છે.
ઉમરેઠ તાલુકાના લીંગડા ગામે ભાથીજી મંદિર પાછળ વાળંદ વાળા ફળિયામાં રહેતી ૨૩ વર્ષીય મનીષાબેન સંદીપભાઈ પટેલ ગત તારીખ ૧૧મી ડિસેમ્બરના રોજ ત્રણ વર્ષથી દીકરી હિરને લઈને પોતાના ઘરેથી ‘દીકરીના કપડાં લેવા ઉમરેઠ જાવ છું’ તેમ કહી ઘરેથી નીકળ્યા બાદ ઘરે પરતના ફરી લાપતા થઈ હતી. પરિવારજનોએ માતા-પુત્રીની સઘન શોધખોળ કરવા છતાં કોઈ ભાળ ન મળતા આખરે ઉમરેઠ પોલીસ મથકમાં જાણ કરતાં પોલીસે જાણવાજોગ નોંધ કરી વધુ તપાસ હાથ ધરી છે.
બીજા બનાવમાં બોરસદ તાલુકાના દેદરડા ગામના ચૌહાણપુરા ખાતે રહેતી ૧૯ વર્ષીય યુવતી સેજલબેન નટુભાઈ પરમાર ગત તારીખ ૧૧મી ડિસેમ્બરના રોજ કોઈને કંઈ કહેવા સિવાય ક્યાંક ચાલી જઈ ગુમ થઈ હતી. પરિવારજનોએ તેણીની શોધખોળ કરતા કરાવતા કોઈ પત્તો ન લાગતા આખરે બોરસદ ગ્રામ્ય પોલીસ મથકમાં જાણ કરી હતી
