Vadodara Corporation Budget : વડોદરા કોર્પોરેશનની સમગ્ર સભામાં સ્થાયી સમિતિ ચેરમેન ડૉ.શીતલ મિસ્ત્રીએ આગામી વર્ષ 2026-27નું ડ્રાફ્ટ બજેટ અને વર્ષ 2025-26નું રિવાઇઝ બજેટ રજૂ કર્યું હતું.
ઉલ્લેખનીય છે કે, પાલિકા મ્યુનિસિપલ કમિશનર અરુણ મહેશ બાબુએ કરદર વધારા વિનાનું આગામી વર્ષ 2026-27નું ડ્રાફ્ટ બજેટ અને 2025-26નું રિવાઇઝડ બજેટ સાઈઝ સમિતિ સમક્ષ રજૂ કર્યું હતું. આ બજેટ સ્થાયી સમિતિ ચેરમેન શીતલ મિસ્ત્રીએ આજે સામાન્ય સભામાં રજૂ કરતા શહેરના સર્વાંગી વિકાસમાં તને સને 2047 સુધીનો વિકાસ એકસન પ્લાન જણાવ્યો હતો. ઉપરાંત શહેરમાં ઈ-બસની સુવિધા પણ શરૂ કરીને શહેરને પ્રદૂષણ મુક્ત બનાવવા પ્રયાસ શરૂ કરાશે તેમ જણાવ્યું હતું.
જેમાં આગામી પાંચ વર્ષમાં વડોદરાને ઝૂંપડપટ્ટી મુક્ત શહેર બનાવવાનું લક્ષ્ય રજૂ કર્યું હતું. આગામી 2026-27માં નીતિ આધારિત ભવિષ્યલક્ષી અને સુધારાત્મક દ્રષ્ટિ કોણ સાથે શહેરના સર્વાંગી વિકાસનું સ્પષ્ટ રોડ મેપ રજૂ કર્યું હતું. જેમાં પાર્કિંગ પોલિસી, એન્કરેજમેન્ટ ફ્રી સીટી પોલીસી, સ્ટ્રીટ વેડિંગ પોલીસી, એનિમલ બર્થ કંટ્રોલ પોલિસી, જાહેર આરોગ્ય બાયલોઝ, આઉટડોર જાહેરાત પોલિસી, ટીડીઆર પોલિસી, અર્બન ગ્રીનિંગ પોલીસી, રેઇન વોટર હાર્વેસ્ટિંગ હેરિટેજ કન્ઝર્વેશન ડેટ મેનેજમેન્ટ, રિયુઝ ઓફ વોટર, મ્યુનિસિપલ બોન્ડ અને કેટલ ન્યુસન્સ કંટ્રોલ જેવી મહત્વપૂર્ણ પોલિસી દ્વારા શહેરી શાસનને મજબૂત બનાવવાનો નિર્ધાર વ્યક્ત કર્યો હતો.
આ ઉપરાંત શહેરી વિસ્તારમાં નવા સમાવાયેલા વિસ્તારોની સુવિધા ને પ્રાધાન્ય આપવા તથા એક્વાર્ટિક પાર્ક બનાવવાના આયોજન સાથે રૂપિયા 7609.63 કરોડના બજેટમાં 48 કરોડનો ખર્ચ પગાર પાછળ વપરાતો હોવાનું પણ તેમણે જણાવ્યું હતું. આ ઉપરાંત વિકાસના કામો પર ધ્યાન કેન્દ્રિત કરીને રૂપિયા 2455 કરોડની ફાળવણી કરાઈ હોવાનું પાલિકાની સભામાં બજેટ રજૂ કરતા તેમણે જણાવ્યું હતું.
આ ઉપરાંત પાલિકાની આવક વધારવા માટે પ્લોટ્સની વેચાણ હરાજી દ્વારા રૂપિયા 250-300 આવક વધારાશે. આ ઉપરાંત રૂપિયા 200 કરોડના બ્લ્યુ મ્યુનિસિપલ બોન્ડ બહાર પાડવા અંગેની પણ માહિતી આપી હતી. અને શહેરના સર્વાંગી વિકાસ માટે શહેરમાં પ્રવેશવાના મુખ્ય ચાર એન્ટ્રી ગેટ પર આકર્ષક પ્રવેશદ્વાર તથા ગૌરવ પથો, છ રોડ કોરીડોર, વરિષ્ઠ નાગરિકો અને બાળકો માટે પાર્ક, તથા મહિલાઓ માટે વુમન અને યુથ હોસ્ટેલ, ફ્લાય ઓવરબ્રિજ, ઓવરબ્રિજ, કોરીડોર પર વૃક્ષારોપણ, હવાની ગુણવત્તા સુધારવા સ્મોગ ગન, ક્રોકોડાઇલ ઓબ્ઝર્વેશન ઝોન, અને સેવાસી ભાયલી છાણી ખાતે કેનાલ ફ્રન્ટ પાર્ક તથા ગ્રીન સીટી ઈનીસીએટીવનો સમાવેશ હોવાની સ્પષ્ટતા કરી હતી.
આર્થિક વિકાસ માટે પીપીપી મોડ પર કન્વેન્શન સેન્ટર, ગ્રીન કન્સ્ટ્રક્શન શોપ, રીજનલ વાઇબ્રન્ટ ગુજરાત માટે રોકાણ આકર્ષક, સીઆઇપી અને બુડા રીંગરોડનું એકીકરણ, રીજનલ ઇકોનોમિક માસ્ટર પ્લાન, તથા ઉર્જા ક્ષેત્રે 14 મેગા વોટ સોલાર પ્રોજેક્ટ દ્વારા ખર્ચ ઘટાડવા અને ટકાઉપણું વધારવાનો પ્રયાસ પણ કરાયો હોવાનું સભા સમક્ષ બજેટ રજૂ કરતા જણાવ્યું હતું.₹
પાલિકા સભામાં સ્ટેન્ડિંગ કમિટી ચેરમેને જણાવ્યું હતું કે, પાલિકા દ્વારા જે વેરાબીલો બજાવવામાં આવે છે તેમાં ક્યુઆર કોડની સુવિધા કરવાથી લોકો પોતાનો ટેક્સ સરળતાથી ભરી શકશે. તેવી જ રીતે શોપિંગ સેન્ટર કેબીનો, ઈમલા, પ્લોટના ભાડા માટે નવી નીતિ પણ કરાશે. ઉપરાંત શહેરમાં જુદી જુદી જગ્યાએ પિંક ટોયલેટ અને પિન્ક ફીડિંગ રૂમ પણ બનાવવાનું આયોજન કરવામાં આવ્યું છે. જેમાં જુના ટોયલેટ બ્લોકને રીનોવેટ કરીને અપગ્રેડ કરાશે તેમ પણ જણાવ્યું હતું.
લાલબાગથી જેલ રોડ સુધી એલીવેટેડ કોરિડોર બનાવાશે
પાલિકા સામાન્ય સભામાં બજેટ રજૂ કરતા સ્થાયી સમિતિ ચેરમેને જણાવ્યું હતું કે લાલબાગથી જેલ રોડ સુધી એલીવેટેડ કોરિડોર બનાવવા માટે સર્વે અને ડીપીઆરની કામગીરી કરાવવા બાબતે પણ વિચાર હશે.
પાલિકાની જૂની જર્જરીત ઇમારત તોડીને નવી ઈમારત બાંધવામાં આવશે અને રીનોવેશન કરીને નાગરિક સુવિધા ના ઉપયોગ માટે વાપરી શકાય તે માટે કરીને કાર્યવાહી કરાશે. સિનિયર વકીલોની તટસ્થ સમિતિ બનાવીને આરબીટ્રિસન કેશોમાં સમાધાન કરી વલણ અપનાવી સમાધાન કરાવી કરાશે. જેથી ભવિષ્યમાં કોર્પોરેશન પર આવનાર આર્થિક ભારણ ઘટાડી શકાશે.
તથા નવા વેરાની ઉઘરાણી માટે વ્યાજ માફીની સ્કીમ, એડવાન્સ વેરો ભર રિબેટ અને લોક અદાલત સહિતના આયોજન કરીને જુના વેરાની ઉઘરાણી માટે સઘન પ્રયાસો કરાશે તેમ જણાવી શહેરમાં નવા સમાવાયેલા વિસ્તારોના ઇનર રીંગરોડ 30 મી. સમા સાવલી-છાણી ઊંડેરા, આરઓબી-કરોડીયા- પંચવટી-સેવાસીવાળો રોડ બ્લોકે દૂર કરીને કાર્યરત કરાશે. જ્યારે પ્રતાપપુરા સરોવર માટે બજેટમાં હેડ ખોલાશે. ₹
પાછલા દસ વર્ષમાં 600 કરોડથી વધુનો ખર્ચ કરાતો, આજે જાન્યુ સુધીમાં 1246 કરોડના ચૂકવવાના થયા₹
પાછલા દસ વર્ષથી વડોદરા મહાનગરપાલિકા અંદાજિત રૂપિયા 600 કરોડથી વધુના કેપિટલ ખર્ચના કામો કરતું હતું. પરંતુ છેલ્લા દસ વર્ષની સરખામણી કરતા સને 2021-22માં રૂપિયા 680 કરોડ, 2022-23માં રૂપિયા 701 કરોડ, સને 2023-24માં રૂપિયા 1107 કરોડ, સને 2024-25માં રૂપિયા 1546 કરોડ અને ચાલુ વર્ષે 31 જાન્યુઆરી સુધીમાં રૂપિયા 1246 કરોડના ચૂકવી કરી દેવામાં આવ્યા હોવાનું પણ તેમણે જણાવ્યું હતું. ઉપરાંત આગામી સમયમાં ચાલુ વર્ષે રૂપિયા 1800 કરોડના ચુકવણાનો લક્ષ્યાંક છે. વડોદરા પાલિકા વર્ષ 2025માં પાલિકા દ્વારા અંદાજિત રૂપિયા 2000 કરોડથી વધુના કામોને સ્થાયી સમિતિ દ્વારા મંજૂર કરાયા છે. કોઈપણ શહેરના સર્વાંગી વિકાસ માટે પોલીસી અને પ્રોજેક્ટ બે મહત્વના પરિબળો હોય છે. પાલિકા દ્વારા આ બંને પરિબળો ઉપર ભાર મૂકવાની સાથે પોલીસી અને પ્રોજેક્ટના મોનિટરિંગ ઉપર પણ ભાર મૂકવામાં આવ્યો હોવાનું તેમણે જણાવ્યું હતું.
