મુંબઈ : મુંબઈ ઝવેરીબજારમાં આજે સોનાના ભાવમાં તેજી આગળ વધી હતી. ચાંદીના ભાવ જોકે આરંભમાં ઉંચા ખુલ્યા પછી બપોર પછી ઘટાડા પર રહ્યા હતા. વિશ્વબજારમાં આજે સોનાના ભાવ ઔંશના ૫૧૪૮થી ૫૧૪૯ ડોલરવાળા વધી ઉંચામાં ભાવ ૫૨૪૮થી ૫૨૪૯ થઈ ૫૧૫૬થી ૫૧૫૭ ડોલર રહ્યાના નિર્દેશો હતા.
વિશ્વબજાર વધતાં તથા ઘરઆંગણે કરન્સી બજારમાં ડોલર સામે રૂપિયો તૂટતાં દેશમાં આયાત થતી કિંમતી ધાતુઓની ઈમ્પોર્ટ કોસ્ટ વધી ગઈ હોવાનું બજારના જાણકારો જણાવી રહ્યા હતા. આના પગલે અમદાવાદ ઝવેરીબજારમાં આજે સોનાના ભાવ ૧૦ ગ્રામના વધુ રૂ.૧૫૦૦ વધી ૯૯૫ના ભાવ રૂ.૧૬૪૨૦૦ તથા ૯૯૯ના ભાવ રૂ.૧૬૪૫૦૦ રહ્યા હતા. સોનાના ભાવ બે દિવસમાં અમદાવાદ બજારમાં રૂ.૩૦૦૦ ઉછળ્યા હતા.
દરમિયાન, વિશ્વબજારમાં સોના પાછળ ચાંદીના ભાવ ઔંશના ૮૬.૫૦થી વધી ઉંચામાં ભાવ ૮૮.૯૨ થઈ ૮૭.૭૯થી ૮૭.૮૦ ડોલર રહ્યા હતા. અમદાવાદ ચાંદીના ભાવ કિલોના રૂ.૨૬૦૦૦ રહ્યા હતા. દરમિયાન, વિશ્વબજારમાં પ્લેટીનમના ભાવ ૨૧૭૫થી ૨૧૭૬ ડોલરવાળા ૨૧૭૭થી ૨૧૭૮ ડોલર રહ્યા હતા. જ્યારે પેલેડીયમના ભાવ ૧૭૭૨થી ૧૭૭૩ વાળા નીચામાં ભાવ ૧૭૦૯ થઈ ૧૭૪૮થી ૧૭૪૯ ડોલર રહ્યા હતા. વૈશ્વિક કોપરના ભાવ આજે ૧.૫૧ ટકા ઉંચા બોલાઈ રહ્યા હતા. વિશ્વબજારમાં ક્રૂડતેલના ભાવમાં બેતરફી વધઘટ દેખાઈ હતી.
મુંબઈ બુલીયન બજારમાં આજે સોનાના ભાવ જીએસટી વગર રૂ.૧૦૦૦ વધ્યા હતા. મુંબઈ સોનાના ભાવ ૯૯૫ના રૂ.૧૫૮૮૬૪ થઈ રૂ.૧૫૮૬૦૩ રહ્યા હતા જ્યારે ૯૯૯ના ભાવ વધી રૂ.૧૫૯૫૦૩ થઈ રૂ.૧૫૯૨૪૧ રહ્યા હતા. મુંબઈ ચાંદીના ભાવ જીએસટી વગર રૂ.૨૬૪૦૭૫ વાળા રૂ.૨૬૬૫૩૫ થઈ રૂ.૨૬૨૯૧૨ રહ્યા હતા. મુંબઈ પ્લેટીનમના ભાવ ૧૦ ગ્રામના રૂ.૬૬૧૭૦ વાળા રૂ.૬૫૬૫૧ થઈ રૂ.૬૬૨૫૭ રહ્યા હતા.
દરમિયાન, વિશ્વબજારમાં ક્રુડ તેલના ભાવ બેરલના બ્રેન્ટક્રૂડના ૭૧.૭૫ વાળા ઉંચામાં ભાવ ૭૨.૧૭ તથા નીચામાં ભાવ ૭૧.૨૨ થઈ ૭૧.૫૧ રહ્યા હતા. જ્યારે યુએસ ક્રૂડના ભાવ ૬૬.૪૭ વાળા ઉંચામાં ભાવ ૬૬.૯૬ તથા નીચામાં ભાવ ૬૬.૦૭ થઈ ૬૬.૪૪ ડોલર રહ્યા હતા.
વૈશ્વિક સ્તરે સોના-ચાંદીમાં માર્જિન અને પ્રાઈસ લિમિટ ઘટાડાયા
સોના-ચાંદીની ઉથલપાથલ ઘટતા એમસીએક્સ અને એનએસઈ દ્વારા ગત સપ્તાહે ગોલ્ડ-સિલ્વરના ફ્યુચર કોન્ટ્રાકટ પર માર્જિન મર્યાદા ઘટાડવામાં આવ્યા બાદ હવે વૈશ્વિક સ્તરે પણ માર્જિન રિક્વાયરમેન્ટ ઘટાડાતા ફરી ટ્રેડિંગ એક્ટિવિટી વધવાની ધારણા છે.
શાંઘાઈ ગોલ્ડ એક્સચેન્જ દ્વારા જારી કરાયેલી નોટિસ અનુસાર, સોનાના કોન્ટ્રાકટ પર માર્જિન ૨૧થી ઘટાડીને ૧૮ કોન્ટ્રાકટ કરવામાં આવ્યું છે, જેનો અર્થ એ છે કે ટ્રેડરોએ હવે ઓછી મૂડી રોકવાની રહેશે. વધુમાં, સોના માટે ડેઈલી પ્રાઈસ લિમિટ વધઘટ બેન્ડ ૨૦ ટકાથી ઘટાડીને ૧૭ ટકા કરવામાં આવી છે.
ચાંદીના કોન્ટ્રાકટમાં પણ માર્જિન રેશિયો ૨૭થી ઘટાડીને ૨૪ કોન્ટ્રાકટ કરાયો છે, જ્યારે દૈનિક ભાવ મર્યાદા ૨૬થી ઘટાડીને ૨૩ ટકા કરવામાં આવી છે.
