Jamnagar Crime : જામનગરના ખોજાવાડ વિસ્તારમાં ઝઘડાની એક ઘટના સામે આવી છે. તા.22/04/2026ના રોજ રાત્રે આશરે 8 વાગ્યાના સમયે ખોજા કલબ સામે એક વ્યક્તિ ઉપર હુમલો કરવામાં આવ્યો હતો.
ફરિયાદી મુસ્તાકભાઈ સુલેમાનભાઈ મૈણ (ઉ.વ. 35, રહે. ખોજાવાડ, જામનગર) પોતાના ઘરના બહાર ઉભા હતા ત્યારે આરોપી યાકુબભાઈ યુસુફભાઈ જુમાણી ત્યાંથી પસાર થતા બોલાચાલી શરૂ થઈ હતી. બોલાચાલી વધતા આરોપીએ ઉશ્કેરાઈ જઈ ફરિયાદીને ગાળો આપી લાકડાના ધોકાથી હુમલો કર્યો હતો.
આ દરમિયાન હલીમાબેન યાકુબભાઈ જુમાણી પણ ત્યાં આવી અને તેમણે પણ લાકડાના ધોકાથી હુમલો કરતાં ફરિયાદી તથા બચાવવા આવેલા સાક્ષીને ઇજા પહોંચાડી હતી. ઉપરાંત આરોપી દ્વારા જાનથી મારી નાખવાની ધમકી પણ આપવામાં આવી હતી.
આ બનાવ અંગે સીટી એ ડિવિઝન પોલીસ સ્ટેશન ખાતે બંને આરોપીઓ સામે બી.એન.એસ. કલમ 115(2), 352, 351(3), 54 તથા જી.પી. એક્ટ કલમ 135(1) મુજબ ગુનો નોંધવામાં આવ્યો છે.
