મુંબઈ : દેશમાં વર્તમાન ૨૦૨૫ના વર્ષમાં ગોલ્ડના એકંદર વપરાશમાં ઈન્વેસ્ટમેન્ટ માગના હિસ્સામાં વધારો જોવા મળશે જ્યારે ઊંચા ભાવને કારણે જ્વેલરી માગમાં ઘટાડો જોવા મળશે એમ વર્લ્ડ ગોલ્ડ કાઉન્સિલ (ડબ્લ્યુજીસી) દ્વારા જણાવાયું છે.
સોનાના ઊંચા ભાવને કારણે રોકાણકારો દ્વારા જ્વેલરીને બદલે સોનાની ઈટીએફસ મારફત ઈન્વેસ્ટમેન્ટ માગ ઊંચી રહેશે. ઊંચા ભાવની સ્થિતિમાં રોકાણકારો તેમના પોર્ટફોલિઓનું વૈવિધ્યકરણ કરવાનો વ્યૂહ ધરાવતા હોય છે.
વૈશ્વિક ટ્રેડ વોર વચ્ચે શેરબજારોમાં આવેલા કરેકશનને કારણે ગોલ્ડ એકસચેન્જ ટ્રેડેડ ફન્ડસ (ઈટીએફસ) મારફત સોનાની ઈન્વેસ્ટમેન્ટસ માગમાં વધારો જોવા મળશે જ્યારે જ્વેલરીની ખરીદીમાં ઘટ આવશે એમ કાઉન્સિલનાએક રિપોર્ટમાં જણાવાયું છે.
