Rakul Preet Singh Sasan Gir Controversy: બોલિવૂડ અભિનેત્રી રકુલ પ્રીત સિંહનો ગુજરાતના સાસણ ગીર અભયારણ્યમાં સફારીનો એક વીડિયો સોશિયલ મીડિયામાં વાઈરલ થયો છે. જેમાં અભિનેત્રીએ પ્રતિબંધિત વિસ્તારમાં નિયમનું ઉલ્લંઘન કર્યું હોવાનો આક્ષેપ થઈ રહ્યો છે, ત્યારે આ મામલે સાસણ રેન્જના નાયબ વન સંરક્ષક (DCF)એ સ્પષ્ટતા કરી છે.
સાસણ ગીર અભયારણ્યમાં સફારી દરમિયાન રકુલ પ્રીત સિંહે પ્રતિબંધિત વિસ્તારના નિયમોનો ભંગ કર્યો હોવાના આક્ષેપ મામલે DCF અગ્નિ વ્યાસે X પર પોસ્ટ કરીને જણાવ્યું હતું કે, ‘વાઈરલ વીડિયો અભયારણ્ય વિસ્તારમાં પ્રવેશદ્વારની બહારનો છે અને પ્રતિબંધિત વિસ્તારનો નથી.’
આ પણ વાંચો: VIDEO| છોટાઉદેપુરના આદિવાસીઓ માટે ‘લીલું સોનું’ બન્યા ટીમરૂના પાન: જંગલની ગૌણ પેદાશથી મળી રહી છે મોટી રોજગારી
તમને જણાવી દઈએ કે, સાસણ ગીરમાં સફારનો બોલિવૂડ અભિનેત્રી રકુલ પ્રીત સિંહનો એક વીડિયો વાઈરલ થયો હતો. વીડિયોમાં રકુલ જંગલ વિસ્તારમાં વાહનમાંથી નીચે ઉતરીને ચાલતી જોવા મળી હતી. આ મામલે સોશિયલ મીડિયામાં અનેક સવાલો ઉઠ્યા હતા. જેમાં વન વિભાગના નિયમોનું ઉલ્લંઘન કરાયું હોવાનો આક્ષેપ કરાયો હતો. જો કે, સમગ્ર મામલે સાસણ રેન્જના DCFએ ચોખવટ કરી છે.
