Vapi Fire : વાપીના રાતા ગામે દેસાઇવાડમાં આવેલા પ્લાસ્ટિકના ભંગારના ગોડાઉનમાં આજે શનિવારે બપોરે અચાનક આગ ફાટી નિકળી હતી. પ્લાસ્ટિકના જથ્થાને કારણે આગે વિકરાળ સવરૂપ કરતા લોકોમાં ભાગદોડ મચી ગઇ હતી. લાશ્કરોએ દોડી ગયા બાદ આગ પર કાબુ મેળવવા કવાયત આદરી હતી.
પ્રાપ્ત માહિતિ અનુસાર વાપીના રાતે દેસાઇવાડમાં પ્લાસ્ટિકના ભંગારના ગગડાઉન આવેલું છે. આજે શનિવારે બપોરે અચાનક ગોડાઉનમાં આગ સળગી ઉઠી હતી. પ્લાસ્ટિક વેસ્ટના જથ્થાને કારણે આગ વધુ તિવ્ર બનતા ધુમાડા આકાશમાં દૂરદૂર સુધી ફેલાતા લોકોમાં ગભરાટ મચી ગયો છે. એટલું જ નહી પણ ગોડાઉન નજીક રહેતા રહીશોમાં ભારે અફરાતફરી મચી ગઇ છે.
ઘટનામાં કોઇ જાનહાની થઇ ન હતી. ઘટનાની જાણ થતા ફાયર વિભાગના બંબા ઘટના સ્થળે પહોંચી ગયા હતા. બાદમાં લાશ્કરોએ ભિષણ આગને કાબુમાં લેવા કવાયત આદરી હતી. જો કે ગોડાઉનમાં કયા કારણોસર આગ લાગી તે અંગે હાલ કોઇ માહિતિ બહાર આવી નથી. તપાસ બાદ જ કારણ બહાર આવી શકશે.
