ઈજાગ્રસ્તને પાળીયાદની સરકારી હોસ્પિટલે ખસેડાયા
જમીન મામલે ભાઈઓ સાથે વાંધો ચાલતો હોવાની દાઝે માર મારી ધમકી આપી
ભાવનગર – બોટાદ તાલુકાના સરવા ગામે રહેતા આધેડને ભાઈઓ સાથે જમીન
મામલે વાંધો ચાલતો હોય અને જમીન ભાઈઓએ વેચી દીધી હોય ત્રણ ઈસમોએ વાડીએ ધસી આવી
આધેડ અને તેના પત્ની પુત્રી પર પાઇપ વડે હુમલો કરી ઇજા પહોંચાડી જાનથી મારી
નાખવાની ધમકી આપી હતી.
બોટાદ તાલુકાના સરવા ગામની સીમમાં રહેતા ભરતભાઈ રણછોડભાઈ સવાણી ભાઈઓ સાથે
જમીનના ભાગ બાબત વાંધો ચાલતો હોય અને ભાઈઓએ તેઓની જમીન કાળુ બાબભાઈ બારડ તથા
મુન્ના બાબભાઈ બારડ તથાના સંબંધીને વહેચી દીધેલ હોય અને હાલ તે જમીન કાળુ તથા
મુન્નાના વાવેતર કરતા હોય તેથી જમીનના ભાગ બાબતે મન દુઃખ રાખી કાળુ તથા મુન્ના તથા
જુવાનસંગ ભગુભાઈ પરમાર વાડીના ડેલા પાસે આવી જુવાનસંગએ ભરતભાઈ માથામાં લોખંડનો એક
પાઇપનો ઘા મારી ઇજા કરી હતી. દરમિયાનમાં પત્નિ અને પુત્રી સાથે ભરતભાઈ સારવાર માટે
હોસ્પિટલે જતાં હતા ત્યારે મઢુલી પાસે પહોંચતા ત્રણેય લોકો હાથમાં લોખંડના પાઇપ
સાથે ધસી આવી પત્નિ રેખાબેન અને પુત્રી કાજલબેન અને ભરતભાઈ પર પાઇપ વડે હુમલો કરી ઇજા
પહોંચાડી જાનથી મારી નાખવાની ધમકી આપી હતી. ઈજાગ્રસ્તને હોસ્પિટલે ખસેડવામાં આવ્યા
હતા. આ બનાવ સંદર્ભે ભરતભાઈએ ત્રણેય વિરૃધ્ધ બોટાદ પોલીસ મથકમાં ફરિયાદ નોંધાવી
છે.
