મુંબઈ : મુંબઈ ઝવેરીબજારમાં આજે શનિવારના કારણે બુલીયન બજાર સત્તાવાર બંધ રહી હતી. બંધ બજારે જોકે સોના- ચાંદીના ભાવ વધ્યા મથાળેથી ઘટયા હતા. નવી માગ ધીમી હતી. વિશ્વબજારના સમાચાર જોકે કિંમતી ધાતુઓમાં મિશ્ર હવામાન દર્શાવતા હતા. દરમિયાન, વિશ્વબજારમાં ક્રૂડતેલના ભાવમાં ધીમો ઘટાડો જોવા મળ્યો હતો. ડોલરનો વૈશ્વિક ઈન્ડેક્સ ઘટતાં મુંબઈ કરન્સી બજારમાં આજે બંધ બજારે રૂપિયા સામે ડોલરના ભાવ ઘટાડા પર રહ્યા હતા.
