Ahmedabad Rural Police Transfers: અમદાવાદ ગ્રામ્ય પોલીસ વિભાગમાં મોટાપાયે ફેરબદલ જોવા મળ્યો છે. જેમાં અમદાવાદ ગ્રામ્ય એસપી ઓમ પ્રકાશ જાટ દ્વારા વહીવટી પ્રક્રિયાના ભાગરૂપે એકસાથે 162 જેટલા પોલીસ કર્મચારીઓની બદલીના આદેશો જારી કરવામાં આવ્યા છે. મહત્વનું છે કે આ પહેલા બોપલ, કણભા, બાવળા અને બગોદરાના PIની બદલી કરવામાં આવી હતી.
વહીવટી પ્રક્રિયાના ભાગરૂપે લેવાયો નિર્ણય
એસપી ઓમ પ્રકાશ જાટ દ્વારા કરવામાં આવેલી આ મોટી કાર્યવાહીમાં હેડ કોન્સ્ટેબલ અને પોલીસ કોન્સ્ટેબલ કક્ષાના 162 કર્મચારીઓનો સમાવેશ થાય છે. આ આદેશને પગલે તમામ બદલી પામેલા કર્મચારીઓને તાત્કાલિક અસરથી પોતાની નવી નિયુક્તિના સ્થળે હાજર થવા માટે વહીવટી તાકીદ કરવામાં આવી છે.
