Vadodara MSU : એમએસ યુનિવર્સિટી કેમ્પસમાં કાળા કાચ ધરાવતી કારના ચાલકે એમ.એસ યુનિવર્સિટીના મેન્ટલ સ્કૂલ પાસે બેફામ ડ્રાઇવિંગ કરીને આતંક મચાવ્યો હતો. યુનિવર્સિટી કેમ્પસમાં ધો.1 થી 12ની એક્સપ્રિમૅન્ટલ સ્કૂલ પણ ચાલે છે.
આજે સવારે સ્કૂલ શરૂ થવાના સમયે વાલીઓ બાળકોને મૂકવા માટે આવ્યા હતા. તે સમયે એક કાર ચાલક સ્કૂલ સામેના ગેટમાંથી કેમ્પસમાં દાખલ થયો હતો. તેણે સ્કૂલ પાસે જ કારના સ્ટંટ કર્યા હતા. કારની બ્રેક મારવાની સાથે બેફામ ડ્રાઇવિંગથી વાલીઓ અને વિધાર્થીઓ ગભરાઈ ગયા હતા. જો ચાલકે કાબુ ગુમાવ્યો હોત તો બાળકોને અને વાલીઓ માટે જોખમ સર્જાયું હોત.આ કાર ચાલક સ્ટંટ કરીને ફરાર થઈ ગયો હતો. જો કે કાર સ્ટંટનો વિડિઓ વાયરલ થયા બાદ પોલીસે કાર ચાલકની શોધખોળ હાથ ધરી છે.
