પશ્ચિમ રેલવેના ભાવનગર મંડળમાં રેલવે સુરક્ષા બળ (RPF)ના 42મા સ્થાપના દિવસ નિમિત્તે તા. 21 સપ્ટેમ્બર 2026ના રોજ રેલવે કોમ્યુનિટી હોલ, ભાવનગર પરા ખાતે રક્તદાન શિબિરનું આયોજન કરવામાં આવ્યું હતું. આ શિબિર મંડળ રેલ પ્રબંધક શ્રી દિનેશ વર્મા તથા મંડળ સુરક્ષા આયુક્ત/RPF શ્રી અજય શર્માની અધ્યક્ષતામાં યોજાઈ હતી.
આ પ્રસંગે શિબિરનો પ્રેરણાદાયી સંદેશ “તમારો એક પ્રયાસ, કોઈનો જીવ બચાવી શકે છે” રાખવામાં આવ્યો હતો, જેના માધ્યમથી રેલવે કર્મચારીઓ તથા RPF જવાનોને રક્તદાન માટે પ્રેરિત કરવામાં આવ્યા.
વરિષ્ઠ મંડળ વાણિજ્ય પ્રબંધક, ભાવનગર શ્રી અતુલ કુમાર ત્રિપાઠીએ જણાવ્યું કે રક્તદાન શિબિરનું આયોજન સવારે 10:00 વાગ્યાથી કરવામાં આવ્યું હતું. શિબિરમાં ભાવનગર મંડળના રેલવે સુરક્ષા બળના જવાનો, રેલવે અધિકારીઓ તથા કર્મચારીઓએ ઉત્સાહપૂર્વક ભાગ લઈ સ્વૈચ્છિક રક્તદાન કર્યું.
આ માનવીય પહેલ અંતર્ગત કુલ 32 યુનિટ રક્ત એકત્રિત કરવામાં આવ્યું. રક્તદાનના માધ્યમથી જરૂરિયાતમંદ દર્દીઓની મદદ તથા જીવનરક્ષામાં યોગદાન આપવાનો આ પ્રયાસ RPFની સેવા, સુરક્ષા અને માનવીય સરોકાર પ્રત્યેની પ્રતિબદ્ધતાને દર્શાવે છે.
ભાવનગર મંડળ દ્વારા આ પ્રસંગે તમામ રક્તદાતાઓનો આભાર વ્યક્ત કરતાં જણાવાયું કે રક્તદાન મહાદાન છે અને દરેક સ્વસ્થ વ્યક્તિનો નાનકડો પ્રયાસ કોઈ જરૂરિયાતમંદના જીવનમાં નવી આશા જગાવી શકે છે.
આ પ્રસંગે અપર મંડળ રેલ પ્રબંધક શ્રી ઋત્વિક શર્મા સહિત મંડળના વરિષ્ઠ અધિકારીઓ તથા કર્મચારીઓ ઉપસ્થિત રહ્યા હતા.
