Surat News : સુરત ભાજપ કાર્યાલયમાં કાર્યકર્તાઓ વચ્ચે છુટા હાથની મારામારીનો વીડિયો સામે આવ્યો છે. આજે (8 ઑક્ટોબર) બપોરે ભાજપના કાર્યકર્તા દિનેશ સાવલિયા કાર્યાલય આવ્યા, ત્યારે પટાવાળા સાથે બોલાચાલી થઈ હોવાનું સામે આવ્યું છે. પછી આ મામલે પટાવાળાએ ખજાનચી શૈલેષ જરીવાલાને જણાવતાં મામલો બીચક્યો હતો.
સુરતમાં ભાજપના કાર્યકર્તા દિનેશ સાવલિયા અને શૈલેષ જરીવાલા વચ્ચે બબાલ થઈ હતી. જેમાં દિનેશ સાવલિયાએ શૈલેષ જરીવાલાને લાફો ઝીંકી દીધો હતો. સમગ્ર મામલે શહેર પ્રમુખ પરેશ પટેલે જણાવ્યું હતું કે, ‘આ મામલે બંનેને નોટિસ આપી છે અને ત્રણ દિવસની અંદરમાં લેખિતમાં જવાબ આપવા કહ્યું છે. ઘટનાને લઈને તપાસ કરવામાં આવશે અને જો બંને તેમાં કસૂરવાર જણાશે તો કડક પગલા લેવામાં આવશે.’
આ પણ વાંચો: ભાજપમાં જૂથવાદ? અમરેલીના શરદોત્સવ મિલ્ક ડે કાર્યક્રમમાં ધારાસભ્યોની ગેરહાજરી ઉડીને આંખે વળગી
સુરત ભાજપ કાર્યાલયમાં કાર્યકર્તાઓ વચ્ચે છુટા હાથની મારામારીનો વીડિયો સોશિયલ મીડિયામાં વાઇરલ થઈ રહ્યો છે. ઘટનાને લઈને ત્યાં હાજર અન્ય કાર્યકર્તાઓ ચોંકી ગયા હતા.
