વડોદરા મ્યુનિસિપલ કોર્પોરેશનની ચૂંટણીનું કાળઝાળ ગરમી વચ્ચે આજે સવારથી ખૂબ ધીમુ મતદાન શરૂ થયું હતું. સવારે 09:00 વાગ્યા સુધી મતદાનના પ્રથમ બે કલાકમાં 7% જેટલું મતદાન નોંધાયું હતું. મતદારોમાં કેટલાક વોર્ડમાં ઉત્સાહ જણાતો હતો જ્યારે કેટલાક બુથ ખાલી જણાયા હતા. મતદાન વધારવા માટે રાજકીય પક્ષોના ટેકેદારો દ્વારા મતદારોને ઘરની બહાર નીકળવા માટે અપીલો કરવામાં આવી હતી. જોકે સવારથી જ ગરમીનો પારો ઊંચે ચડતા મતદારો ઘરની બહાર નીકળવા માટે ચિંતા અનુભવી રહ્યા છે.
