Western Railway : પશ્ચિમ રેલવેના વડોદરા વિભાગમાં વાસદ-રણોલી સ્ટેશનો વચ્ચે બ્રિજ નંબર 624ની અપ લાઇન પર રી-ગર્ડરિંગ કામગીરી હાથ ધરવામાં આવનાર છે. આ કામગીરી માટે 27 મે, બુધવારે સવારે 11:15 વાગ્યાથી સાંજે 4:45 વાગ્યા સુધી 5.30 કલાકનો મેગા બ્લોક લેવામાં આવશે. જેના પગલે વડોદરા મંડળમાંથી પસાર થતી તેમજ દોડતી કેટલીક ટ્રેનોના સંચાલન પર અસર પડશે.
ટ્રેન નંબર 19036 મણિનગર-વડોદરા ઇન્ટરસિટી એક્સપ્રેસ સંપૂર્ણ રદ રહેશે, ટ્રેન નંબર 19035 વડોદરા-મણિનગર ઇન્ટરસિટી એક્સપ્રેસ સંપૂર્ણ રદ રહેશે. ટ્રેન નંબર 12930 વડોદરા-વલસાડ ઇન્ટરસિટી એક્સપ્રેસ સંપૂર્ણ રદ રહેશે.
ટ્રેન નંબર 22960 જામનગર-વડોદરા ઇન્ટરસિટી એક્સપ્રેસ અમદાવાદ ખાતે શોર્ટ ટર્મિનેટ થશે અને અમદાવાદથી વડોદરા વચ્ચે આંશિક રદ રહેશે.
ટ્રેન નંબર 12010 અમદાવાદ-મુંબઈ સેન્ટ્રલ શતાબ્દી એક્સપ્રેસ 40 મિનિટ મોડી દોડશે.
ટ્રેન નંબર 16533 ભગત કી કોઠી-કેએસઆર બેંગલુરુ એક્સપ્રેસ આશરે 55 મિનિટ મોડું દોડશે. ટ્રેન નંબર 12477 જામનગર-શ્રી માતા વૈષ્ણોદેવી કટરા એક્સપ્રેસ આશરે 50 મિનિટ મોડું દોડશે. ટ્રેન નંબર 20626 ભગત કી કોઠી-એમજીઆર ચેન્નઈ સેન્ટ્રલ એક્સપ્રેસ આશરે 55 મિનિટ મોડું દોડશે.
