અમદાવાદ, શુક્રવાર
બાપુનગરમાં રહેતી ખાનગી બેંન્કમાં નોકરી કરતી યુવતીને સોશિયલ મિડીયાથી લગ્ન માટે યુવક શોધવાનું ભારે પડયું હતું. જેમાં સારબાર ગઠિયાએ ઓસ્ટ્રેલિયા રહેતો હોવાનું કહી યુવતીને પ્રેમજાળમાં ફસાવી હતી અને લગ્નની લાલચ આપીને ભારત આવવાનું કહ્યા પછી મુંબઇ એરપોર્ટ ઉપર કસ્ટમ ઓફિસરે પકડયો છે કહીને બહાના બતાવીને યુવતીને ડરાવીને રૃા. ૯૪ હજાર પડાવી લીધા હતા. આ બનાવ અંગે બાપુનગર પોલીસે ગુનો નોંધી વધુ તપાસ હાથ ધરી છે.
કસ્ટમ અધિકારીની ઓળખ આપીને તમે ઓસ્ટ્રેલિયાથી લગ્ન કરવા માટે યુવકને બોલાવ્યો કહી ૭૦ હજાર પડાવ્યા બાદ વધુ રૃપિયા આપવાની ના પાડતાં યુવતીને જેલમાં મોકલવાની ધમકી આપી
બાપુનગરમાં રહેતી અને ખાનગી હોસ્પિટલમાં એકાઉન્ટન્ટ તરીકે નોકરી કરતી યુવતીએ બાપુનગર પોલીસ સ્ટેશનમાં રવિ સહિત બે અજાણી વ્યક્તિ સામે ફરિયાદ નોંધાવી છે કે યુવતી લગ્ન કરવા છોકરાની શોધમાં હતી દરમિયાન તા ૨૦ના રોજ ઇન્સ્ટાગ્રામમાં જાહેરાત જોઇ હતી. તેમાં આપેલ લીંક ઓપન કરતા વોટ્એસપ મેસેજ આવ્યો હતો. જેમાં રવિ શર્માએ પોતે ઓસ્ટ્રેલિયામાં રહેતો હોવાનું કહ્યું હતું તેમજ આઇકાર્ડ વોટ્સએપમાં મોકલીને ઃ વિશ્વાસ કેળવ્યો હતો. બાદમાં તેની સાથે વાત કરતા તેની પત્નીનું અકસ્માતમાં મોત થયું હતું નાની પુત્રી હોવાનું કહીને લાગણી સભર વાતો કરી હતી. અને બન્નેના વિડિયો મોકલ્યા હતા.
જેથી લાગણી થતા યુવતીએ વાત કરવાની ચાલું રાખી હતી. બાદમા આરોપીએ લગ્ન માટે વાત કરતા યુવતીએ હા પાડી હતી. આરોપીએ બે દિવસ પછી ઓસ્ટ્રેલિયાથી મુબઈ એરપોર્ટ આવવાનું કહીને૦ ફ્લાઈટની ટીકીટ અને વિડીયો પણ મોકલી આપીને યુવતીને હું મુંબઈ એરપોર્ટ પર આવ્યો છું અહિયા કસ્ટમ ઓફિસરોએ મને પકડયો છે કહી બનાવટી કસ્મટ ઓફિસર સાથે ફરિયાદીને વાત કરાવી અને ટેક્ષ ભરવો પડશે તેવા બહાના બતાવીને યુવતી પાસેથી ઓન લાઇન રૃા. ૯૪ હજાર પડાવ્યા હતા.
