– 14.2 કીલોના ડોમેસ્ટિક એલપીજી સિલિન્ડરનો ભાવ યથાવત
નવી દિલ્હી : આજે ૧ સપ્ટેમ્બરથી કોમર્શિયલ એલપીજી સિલિન્ડરના ભાવમાં ૫૧.૫૦ રૂપિયાનો ઘટાડો કરવામાં આવ્યો છે. ઓઇલ માર્કેટિંગ કંપનીઓએ એલપીજી સિલિન્ડરના નવા ભાવ જારી કર્યા છે. આ નવા ભાવ અનુસાર ૧૯ કીલોવાળા એલપીજી સિલિન્ડરના ભાવમાં ઘટાડો કરવામાં આવ્યો છે. જો કે ઘરેલુ ગેસ સિલિન્ડર એટલે કે ૧૪ કીલોવાળા એલપીજી સિલિન્ડરના ભાવમાં કોઇ ફેરફાર કરવામાં આવ્યો નથી.
દિલ્હીમાં ૧૯ કીલોવાળા એલપીજી સિલિન્ડરનો ભાવ ૫૧ રૂપિયા ઘટીને ૧૫૮૦ રૂપિયા થઇ ગયો છે. જે અગાઉ ૧૬૩૧ રૂપિયામાં મળતું હતું. ડોમેસ્ટિક એલપીજી સિલિન્ડરનો ભાવ ૮૫૩ રૂપિયા પર યથાવત રાખવામાં આવ્યો છે.
કોલકાતામાં કોમર્શિયલ એલપીજી સિલિન્ડરનો ભાવ ઘટીને ૧૬૮૪ રૂપિયા થઇ ગયો છે. ઓગસ્ટમાં તેનો ભાવ ૧૭૩૪ રૂપિયા અને જુલાઇમાં ૧૭૬૯ રૂપિયા હતો. જૂનમાં તેનો ભાવ ૧૮૨૬ રૂપિયા હતો.
મુંબઇમાં કોમર્શિયલ એલપીજી સિલિન્ડરનો ભાવ ઘટીને ૧૫૩૧ રૂપિયા થઇ ગયો છે. ઓગસ્ટમાં તેનો ભાવ ૧૫૮૨ રૂપિયા અને જુલાઇમાં ૧૬૧૬ રૂપિયા હતો. જૂનમાં તેનો ભાવ ૧૬૭૪ રૂપિયા હતો.
ચેન્નાઇમાં કોમર્શિયલ એલપીજી સિલિન્ડરનો ભાવ ઘટીને ૧૭૩૮ રૂપિયા થઇ ગયો છે. ઓગસ્ટમાં તેનો ભાવ ૧૭૮૯ રૂપિયા અને જુલાઇમાં ૧૮૨૩ રૂપિયા હતો. જૂનમાં તેનો ભાવ ૧૮૮૧ રૂપિયા હતો.
ભારતમાં ઇન્ડિયન ઓઇલના ડેટા અનુસાર ૧૪.૨ કિલોના ડોમેસ્ટિક સિલિન્ડરનો ભાવ દિલ્હીમાં ૮૫૩ રૂપિયા, મુંબઇમાં ૮૫૨ રૂપિયા, લખનઉમાં ૮૯૦ રૂપિયા છે. ઓગસ્ટની જેમ જ સપ્ટેમ્બરમાં પણ ડોમેસ્ટિક સિલિન્ડરના ભાવમાં કોઇ ફેરફાર કરવામાં આવ્યો નથી.
