Jamangar Gambling Raid : જામનગર શહેરના મયુરનગર વાંબેઆવાસ વિસ્તાર પાસે લોકલ ક્રાઇમ બ્રાન્ચે દરોડો પાડી જાહેરમાં પૈસાની હારજીતનો ‘કાટી-છાપ’ જુગાર રમતા ચાર શખ્સોને ઝડપી પાડ્યા હતા, જ્યારે એક શખ્સ ફરાર થઈ ગયો હતો.
દરોડા દરમિયાન પોલીસે રોકડ રકમ રૂ.25,800, ચાર મોબાઇલ ફોન, સિક્કા તથા એક મોટરસાયકલ સહિત કુલ રૂ. 86,802નો મુદ્દામાલ કબજે કર્યો હતો. પકડાયેલા આરોપીઓમાં જગદીશભાઈ વિસનદાસ ગજરા, કચરાભાઈ લગધીરભાઈ સંધીયા, હેમતભાઈ અમલમલ ગજરા અને ધર્મેન્દ્રસિંહ બટુકસિંહ વાળાનો સમાવેશ થાય છે. જ્યારે મુનો ગઢવી નામનો શખ્સ પોલીસને ચકમો આપી ફરાર થઈ ગયો હતો. આ અંગે સીટી ‘સી’ ડિવિઝન પોલીસ મથકે જુગારધારા હેઠળ ગુનો નોંધી વધુ તપાસ હાથ ધરવામાં આવી છે.
