ગાંધીનગરના શેરથા ટોલ નાકા પાસેનો બનાવ
રાજસ્થાન માલ ઉતારી પરત ફરી રહેલા પ્રૌઢને પરોઢે નિંદર આવતાંં સાઇડમાં રાખીને ટ્રકની કેબીનમાં જ સુઇ ગયો હતો
ગાંધીનગર : દિપાવલી પર્વ દરમિયાન પણ તસ્કરો સક્રિય રહ્યાં છે. તેમાં
ગાંધીનગરના શેરથા ગામ પાસેના ટોલ નાકા પાસે વહેલી સવારે બનેલા બનાવમાં ટ્રકની
કેબીનમાં સુતેલા પ્રૌઢ ડ્રાઇવરના ખિસ્સામાંથી કોઇ ગઠિયો રૃપિયા ૪૩ હજારની રોકડ
સેરવી જતાં ડ્રાઇવરનું તો જાણે નવુ વર્ષ જ બગડી ગયુ હતું. આ બનાવ સંબંધે વરોૌડા
પંથકના પ્રૌઢ દ્વારા ફરિયાદ નોંધવવામાં આવતાં અડાલજ પોલીસે ગુનો નોંધી તપાસ શરૃ
કરી છે.
બરોડા જિલ્લાના શિનોર શહેરમાં રહેતા ૫૪ વષય ટ્રક ડ્રાઇવર
જાખીરભાઇ નુરખાન ખોખરે ચોરીના બનાવ સંબંધે ફરિયાદ નોંધાવી છે. તેમાં જણાવવામાં
આવ્યા પ્રમાણે તે સિનોરના રહેવાસી સબ્બીરભાઇ સોમરાની ગાડી છેલ્લા ચાર માસથી ચલાવે
છે. ગત તારીખ ૧૮મીએ તે આઇસર ટ્રકમાં માલ ભરીને રાજસ્થાનના ગોપાલગઢ ગયો હતો. ત્યાં
માલ ઉતારીને માલના રૃપિયા ૫૩ હજાર લીધા હતાં. આ પૈકીના રૃપિયા ૧૦ હજાર ખર્ચ માટે
જુદા રાખ્યા હતાં અને રૃપિયા ૪૩ હજાર બીજા ખિસ્સામાં મુક્યા હતાં. તારીખ ૧૯મીના
સિનોર પરત આવવા નીકળ્યો હતો. અને તારીખ ૨૦મીની વહેલી સવારે ૪.૩૦ વાગ્યાના અરસામાં
ઉંઘ આવવા લાગતા ગાંધીનગરના શેરથા ગામ પાસેના ટોલ નાકા નજીક સવસ રોડ પર ગાડી
સાઇડમાં પાર્ક કરીને ટ્રકની કેબીનના દરવાજા લોક કરીને સુઇ ગયો હતો. સવારે ૬.૩૦
વાગ્યા આસપાસ જાગ્યો ત્યારે ગાડીનો દરવાજો ખુલ્લો જોતા શંકા પડવાથી ખિસ્સામાં
રોકડની તપાસ કરતાં રૃપિયા ૪૩ હજાર ચોરાઇ ગયાની જાણ થઇ હતી. જેના પગલે ફરિયાદ
નોંધાવતા અડાલજ પોલીસે ધોરણસરની કાર્યવાહી કરી હતી.
