– ભાવનગર સ્પેશિયલ ઓપરેશન ગૃપે છેલ્લા દોઢ વર્ષમાં
– ભાવનગરમાં સૌપ્રથમવાર ગોગો સ્મોકિંગ કોન અને પેપર પર પ્રતિબંધ લગાવાયો
ભાવનગર : ભાવનગર શહેર-જિલ્લામાં છેલ્લા દોઢ વર્ષ દરમિયાન સ્પેશિયલ ઓપરેશન ગૃપે એનડીપીએસ, બોગસ ડોક્ટર, નાસતા-ફરતા આરોપીઓ અને જીપી એક્ટ ૧૩૫ અને હથિયારના કેસો મળી કુલ ૨૨૩ કેસ કરી આરોપીઓને જેલ ભેગા કરી દીધા છે.
ભાવનગર શહેર-જિલ્લામાં ગુનેગારો પર બાઝ નજર ગડાવી રાખતી અને એસપીની મહત્વની પાંખ ગણાતી એસઓજી સ્ક્વોર્ડે ખાસ કરીને ડગ્સ, ગાંજો સહિત અનૈતિક પ્રવૃત્તિ પર સર્ચ ઓપરેશન કરી ગુનેગારોને દબોચી જેલ ભેગા કરે છે. તદુપરાંત ગાંજો, ચરસ અને ડગ્સની હેરાફેરી કરતા અને વેચતા શખ્સોને ઉઠાવી લઈ કાયદેસરની પ્રક્રિયા હાથ ધરતી હોય છે. ‘નો ડગ્સ ઈન ભાવનગર’ના ધ્યેય સાથે નાર્કોટિક્સના ગુનાઓને ડામી દે છે. આમ, સ્પેશિયલ ઓપરેશન ગૃપ દ્વારા છેલ્લા બે માસમાં દરમિયાન નાર્કોટિક્સના ગુનામાં પકડાયેલા ઇસમો પર નજર બનાવી રાખી પીટ એનડીપીએસ એક્ટ મુજબ બે ઇસમો પર કાર્યવાહી કરી કરી જેલમાં ધકેલી દેવામાં આવ્યા છે. આ ઉપરાંત એસઓજી દ્વારા છેલ્લા દોઢ વર્ષ દરમિયાન એનડીપીએસ, બોગસ ડોક્ટર, નાસતા ફરતા આરોપીઓ અને જીપી એક્ટ ૧૩૫ અને હથિયારના કેસો મળી કુલ ૨૨૩ કેસ કરી તેના આરોપીઓને જેલ ભેગા કરી દીધા છે. આ ઉપરાંત નશિલા પદાર્થોના સેવન માટે ગોગો સ્મોકિંગ કોન, પેપરનો ઉપયોગ થતો હોવાનું ધ્યાને આવતા સ્મોકિંગ કોન અને પેપર પર ભાવનગરમાં સૌપ્રથમવાર પ્રતિબંધ લગાવાયો છે. તેમજ રાજ્યભરમાં નાર્કોટિક્સના ગુનાઓ ઉકેલવામાં ભાવનગર મોખરાનું સ્થાન ધરાવે છે.
જિલ્લામાં ડ્રગ્સ વેચાણની ચેઈનને તોડવામાં સફળતા મળી : પીઆઈ
સામાન્ય રીતે ડ્રગ્સ વેચાણ માટેની આખી ચેઈન હોય છે. જેમાં સપ્લાયર પછી સંગ્રહ કરનાર અને છેલ્લે ખરીદનાર એમ ત્રણ સ્ટેપ હોય છે. ભાવનગર જિલ્લામાં ફેલાયેલી આ ચેઈને તોડવામાં ભાવનગર પોલીસને સફળતા મળી છે. આ ઉપરાંત યુવાવર્ગ આવા નશામાં પડે નહી તે માટે શાળા અને કોલેજોમાં અત્યાર સુધીમાં કુલ ૩૫ સેમિનાર યોજવામાં આવ્યા છે તેમ એસઓજી પીઆઈ સુનેસરાએ જણાવ્યું છે.
