– ખેડૂત પેનલની ચૂંટણીમાં 98.75 ટકા મતદાન થયું
– વેપારી અને ખેડૂત પેનલના 14 પૈકી 12 બેઠકો પર ભાજપે કબજો કરતા એપીએમસીમાં દબદબો યથાવત્ રહ્યો
સાયલા : સાયલા એપીએમસીની ચૂંટણીમાં કુલ ૧૪ બેઠકો પૈકી વેપારી પેનલની ચાર બેઠકો માટે ભાજપ પ્રેરિત ઉમેદવારો સામે કોંગ્રેસ-આપના ગઠબંધનમાંથી એક પણ ફોર્મ નહીં ભરતા આ બેઠકો બિનહરીફ જાહેર થઈ હતી. જ્યારે ખેડૂત પેનલની દસ બેઠક માટે ભાજપના ૧૦ અને આપ-કોંગ્રેસ ગઠબંધનના ૨૦ ઉમેદવાર માટે શુક્રવારે મતદાન યોજાયું હતું.
ચૂંટણમાં ખેડૂત પેનલના કુલ ૪૦૬ મતદારો પૈકી ૪૦૧ મતદારોએ મતદાન કરતા ૯૮.૭૫ ટકા મતદાન નોંધાયું હતું. શનિવારે સવારે યોજાયેલી મતગણતરીમાં ભાજપ પ્રેરિત ખેડૂત પેનલમાં દસમાંથી આઠ ઉમેદવારોનો વિજય થયો હતો
જ્યારે ખેડુત પેનલની ૧૦ બેઠકો માટે ગત શુક્રવારના રોજ મતદાન હાથ ધરવામાં આવ્યું હતું અને ભાજપ પ્રેરિત ૧૦ ઉમેદવારો તેમજ કોંગ્રેસ અને આમ આદમી પાર્ટી ગઠબંધનના ૧૦ ઉમેદવારો મળી ફૂલ ૨૦ ઉમેદવારોના ભાવિ બેલેટ પેપરમાં કેદ થયા હતા અને ખેડૂત પેનલના ફૂલ ૪૦૬ મતદારો પૈકી ૪૦૧ મતદારોએ મતદાન કરતા ૯૮.૭૫ ટકા મતદાન નોંધાયું હતું. બીજે દિવસે શનિવારે એપીએમસીની ચૂંટણી માટે પોલીસ બંદોબસ્ત વચ્ચે મત ગણતરી હાથ ધરવામાં આવી હતી. જેમાં ભાજપ પ્રેરિત ખેડૂત પેનલના ૧૦ ઉમેદવારોમાંથી ૦૮ અને કોંગ્રેસ-આપના ગઠબંધનના ઉમેદવારની જીત થઇ હતી જ્યારે એક બેઠક પર ટાઇ પડતા ચીઠ્ઠી ઉછાળવામાં આવી હતી જેમાં ગઠબંધનના ઉમેદવરની જીત થઇ હતી.
આમ સાયલા એપીએમસીમાં ભાજપ પ્રેરિત ખેડૂત પેનલના ૦૮ અને વેપારી પેનલના ૦૪ ઉમેદવારો બીનહરીફ અગાઉ જાહેર થતા ફૂલ ૧૪ બેઠકોમાંથી ૧૨ બેઠકો પર ભાજપ પ્રેરિત ઉમેદવારોનો વિજય થતા એપીએમસીમાં ભાજપનો ભગવો લહેરાતા ભાજપના કાર્યકતા દ્વારા ફટાકડા ફોડી વિજયની ઉજવણી કરવામાં આવી હતી.
મતદારોમાં અજ્ઞાાતા જોવા મળી
સાયલા યાર્ડમાં ખેડૂત પેનલ માટે યોજાયેલી ચૂંટણીમાં ખેડૂત મતદારોમાં અજ્ઞાાતા જોવા મળી હતી. ઉમેદવારને મત કેવી રીતે આપવો તેની મતદારોમાં પુરતી સમજ ન હતી. એક મતદારે દસ ઉમેદવારને મત આપવાનો હોય છે. પરંતુ મતગણતરી દરિયાન કેટલાય મતદારોએ માત્ર બે કે ત્રણ ઉમેદવારને જ મત આપ્યો હોવાનું સામે આવ્યું છે. તેમજ એપીએમસીની ચૂંટણીમાં ક્રોસ વોટિંગ પણ જોવા મળ્યું હતું.
કોને કેટલા મત મળ્યા
ક્રમ ઉમેદવાર મળેલા મત
૧. ધાંધળ ગેલાભાઇ દેવાભાઇ ૨૦૬
૨. ધાંધલ નાજભાઇ પુંજભાઇ ૧૯૯
૩. ધાંધલ સુરીંગભાઇ નાજાભાઇ ૧૯૭
૪. રાઠોડ આલાભાઇ વિરાભાઇ ૧૯૪
૫. રાઠોડ રૈયાભાઇ ગાંડુભાઇ ૧૮૮
૬. ઝાંપડીયા ધિરૂભાઇ ભુદરભાઇ ૧૮૭
૭. ખટાણા દેવાભાઇ ધુધાભાઇ ૧૮૪
૮. બાવળીયા ખીમાભાઇ સાર્દુળભાઇ ૧૮૨
૯. મેર અજુભાઇ કાળુભાઇ ૧૮૦
૧૦. સાંબડ દેવાયતભાઇ માણસુરભાઇ ૧૮૦
