– 5 મહિલા સહિત 22 લોકો સામે ઘોઘારોડ પોલીસમાં ફરિયાદ
– છોકરાઓની ક્રિકેટ રમવાના મામલે બે જૂથ વચ્ચે બોલા ચાલી થઈ જતા પથ્થરમારો થયો
ભાવનગર : ભાવનગર શહેરના તિલકનગર વિસ્તાર ખાતે આવેલ સ્મશાન નજીક છોકરાઓ ક્રિકેટ રમતા હતા તે દરમિયાન દડો ઘરમાં જવાના મામલે બે જૂથ વચ્ચે વૈમનસ્ય સર્જાયું હતું અને બંને જૂથ આમને સામને આવી જઈ મારા મારી કરી પથ્થરમારો કર્યો હતો.
તિલકનગર વિસ્તારના સ્મશાન રોડ પર રહેતા કોમલબેન રાજેશભાઈ મકવાણાના પરિવારના નાના છોકરા રોડ પર ક્રિકેટ રમતા હોય તે દરમ્યાન ક્રીકેટનો દડો જ્યોતીબેનના ઘર તરફ જતા તેઓ ઉશ્કેરાઈ જઈ ગાળો બોલવા લાગેલા અને પ્રિયંકાબેન જયદીપભાઈ રાઠોડ, જયદીપ રાજેશભાઈ રાઠોડ, રીતીકાબેન વિરાજભાઈ રાઠોડ, વિરાજ રાજેશભાઈ રાઠોડ, નિકેશ મહેશભાઈ રાઠોડ, નિશાંત મહેશભાઈ રાઠોડ, રોમીલ રાજેશભાઈ રાઠોડ, કૌશલ કિશનભાઈ પરમાર, નિહાર દીપકભાઈ પરમાર, સાહીલ વર્ગીસભાઈ પરમાર, ભાવેશ દિનેશભાઈ પરમાર, બહાદુર રતિલાલએ એક સંપ કરી કોમલબેનને તથા તેના સમાજના માણસોને મારી નાખવવાના ઈરાદે ભેગા મળી પથ્થરો તેમજ સિમેન્ટના બ્લોકના ટુકડાઓ ના ઘા કરી જીવલેણ હુમલો કરી કોમલબેન તથા કૃપાબેન તથા નંદનીને ઈજાઓ કરી તેમજ સંતોષભાઈ મકવાણાના મકાનને તથા રીક્ષાની ધોકા ફટકારી નુકશાન કર્યું હતું. જ્યારે તિલકનગર વિસ્તારના સ્મશાન રોડ પર રહેતા પ્રિયંકાબેન જયદીપભાઇ રાઠોડના ઘરની સામે સુમીત તથા રોહીત ક્રિકેટ રમતા હતા તેઓનો દડો પ્રિયંકાબેનના દિકરાને લાગતા પ્રિયંકાબેનએ આ ઠપકો આપવા જતા સુમીત સમરથભાઈ મકવાણા, રોહીત સમરથભાઈ મકવાણા, સમરથ મકવાણા, કૃપાબેન સમરથભાઈ મકવાણા, વિનોદ પ્રતાપભાઈ મકવાણા, વિજય રમેશભાઈ, કોમલબેન રાજેશભાઈ મકવાણા, રાજવીર વિજયભાઈ મકવાણા, દીલીપ ભગવાનભાઈ મકવાણાએ એક સંપ કરી ગાળો આપી ઢીકાપાટુ અને લાકડાનો ધોકા અને પથ્થર મારો કરી પ્રિયંકાબેન અને તેના પતિ જયદીપભાઈ તથા જેઠને ઈજા કરી અહીં રહેવા દેવાના નથી તેવુ બોલી પતાવી દેવાની ધમકી આપી આપી હતી. આ બનાવ સંદર્ભે બન્ને પક્ષે ઘોઘારોડ પોલીસ મથકમાં ફરિયાદ નોંધાઈ છે.
