Assembly Election Results 2026: ભારતના 5 રાજ્યોના ચૂંટણી પરિણામોએ માત્ર સત્તા પરિવર્તન જ નથી કર્યું, પરંતુ અનેક દાયકાઓ જૂના રેકોર્ડ તોડી નાખ્યા છે. પશ્ચિમ બંગાળમાં ભાજપનું શાસન અને કેરળમાં ડાબેરીઓના છેલ્લા કિલ્લાનું પતન એ ભારતીય રાજનીતિની સૌથી મોટી ઘટના બની છે. ગંગોત્રીથી ગંગાસાગર સુધી હવે ભાજપનો પાવર કોરિડોર તૈયાર થઈ ગયો છે.
1. પશ્ચિમ બંગાળ: જનસંઘના સ્થાપકનું સપનું 15 વર્ષે પૂરું થયું
પશ્ચિમ બંગાળમાં 15 વર્ષના મમતા બેનર્જીના શાસનનો અંત આવ્યો છે. ભાજપે પહેલીવાર આ રાજ્યમાં સરકાર બનાવીને ઈતિહાસ રચ્યો છે. જનસંઘના સ્થાપક શ્યામા પ્રસાદ મુખર્જી બંગાળના હતા, અને તેમના જ રાજ્યમાં ભાજપની સત્તા આવવી એ પક્ષ માટે ભાવનાત્મક વિજય છે. આ જીતને કારણે આગામી દિવસોમાં રાજ્યસભામાં પણ ભાજપનું સંખ્યાબળ અને પ્રતિનિધિત્વ વધશે.
આ પણ વાંચો: ઇનસાઈડ સ્ટોરી: બંગાળમાં પહેલીવાર ‘ભગવો’ લહેરાયો: જાણો ભાજપની ઐતિહાસિક જીતના 5 હીરો
2. લેફ્ટનો સત્તાવાર એક્ઝિટ: કેરલમનો છેલ્લો ગઢ પણ તૂટ્યો
ભારતીય રાજકારણમાં એક સમયે જેનો દબદબો હતો તે ડાબેરી પક્ષો (લેફ્ટ) હવે સત્તાના નકશા પરથી સંપૂર્ણપણે બહાર થઈ ગયા છે. કેરલમમાં ડાબેરીઓના છેલ્લા કિલ્લાનું પતન થયું છે અને ત્યાં કોંગ્રેસના નેતૃત્વવાળા UDF ગઠબંધને જીત મેળવી છે. 2011માં બંગાળ ગુમાવ્યા બાદ ડાબેરીઓ પાસે માત્ર કેરળ હતું, જે હવે તેમના હાથમાંથી સરકી ગયું છે.
3. તમિલનાડુ થલાપતિ વિજયનો જાદુઈ ઉદય
તમિલનાડુમાં 10 વર્ષ જૂની એમ.કે. સ્ટાલિનની સરકારની વિદાય થઈ છે. પરંતુ અહીં સૌથી મોટો રેકોર્ડ અભિનેતા વિજયે બનાવ્યો છે. વિજયની પાર્ટી TVK એ એકલા હાથે 110 થી વધુ બેઠકો પર સરસાઈ મેળવી છે. તમિલનાડુમાં સત્તા માટે 117 બેઠકોની જરૂર હોય છે, અને વિજય પોતાની પહેલી જ ચૂંટણીમાં જાદુઈ આંકડાની અત્યંત નજીક પહોંચીને નવો રેકોર્ડ સ્થાપ્યો છે.
આ પણ વાંચો: LIVE : મમતાના ગઢમાં ‘કમળ’ ખીલ્યું, તમિલનાડુમાં ‘વિજયભવ’, કેરલમમાં કોંગ્રેસ અને આસામમાં ભાજપ
4. ભાજપનું મિશન 21 ઓડિશાથી બંગાળ સુધી વિજયકૂચ
પીએમ મોદીનું ગંગોત્રીથી ગંગાસાગર સુધીનું સપનું હવે પૂર્ણ થયું છે. ભાજપ હવે દેશના 21 રાજ્યો અને કેન્દ્રશાસિત પ્રદેશોમાં સત્તામાં છે અથવા સરકારનો હિસ્સો છે. ઉત્તર પ્રદેશ, ગુજરાત, મહારાષ્ટ્ર, બિહાર અને હવે પશ્ચિમ બંગાળ જેવા મોટા રાજ્યોમાં ભગવો લહેરાઈ રહ્યો છે.
નવા સ્થાપિત થયેલા અન્ય રેકોર્ડ્સ
1. પૂર્વોત્તરમાં સ્થિરતા: અસમમાં સતત બીજી વાર જીત મેળવીને ભાજપે પૂર્વોત્તરમાં પોતાની પકડ મજબૂત કરી છે.
2. વોટ શેર: પશ્ચિમ બંગાળમાં વિરોધ પક્ષમાંથી સીધા સત્તા પક્ષ સુધીની મજલ કાપવામાં ભાજપે પોતાના વોટ શેરમાં ઐતિહાસિક ઉછાળો નોંધાવ્યો છે.
3. ચહેરા વિનાની જીત: બંગાળમાં મુખ્યમંત્રીનો ચહેરો જાહેર કર્યા વિના પણ પ્રચંડ બહુમતી મેળવવી એ પણ એક રણનીતિક રેકોર્ડ છે.
આ પણ વાંચો: કોંગ્રેસના બે CM પાસેથી શીખ્યા રાજકારણ અને BJPમાં બની ગયા ‘કિંગ’: હિમંત બિસ્વા સરમાની રોમાંચક રાજકીય કહાની
