અમદાવાદ,બુધવાર
ઓઢવમાં યુવકને વાતચીત કરવા બોલાવીને ચાર શખ્સોએ તેનું અપહરણ કર્યુ હતું અને ઓફિસમાં લઇ જઇને મારી બહેન ક્યાં છે કહીને આખીરાત ગોધી રાખીને માર માર્યો હતો બીજા દિવસે સવારે પોલીસ ચોકીમાં સાથે લઇ જઇને યુવતી ગુમની નોંધ કરાવીને યુવકને ધમકી આપી હતી કે કોઇને વાત કરીશ તો જાનથી મારી નાંખીશું. આ બનાવ અંગે ઓઢવ પોલીસે પિતા-પુત્ર સહિત ચાર લોકો સામે અપહરણ સહીતની કલમ હેઠળ ગુનો નોંધી વધુ તપાસ હાથ ધરી છે.
પોલીસ ચોકીમાં સાથે લઇ જઇને યુવતની ગુમની નોંધ કરાવી કોઇને વાત કરીશ તો મારી નાંખવાની ધમકી આપી
ઓઢવમાં રહેતા યુવકે ઓઢવ પોલીસ સ્ટેશનમાં શશાંક અને તેના પિતા સહિત ચાર લોકો સામે ફરિયાદ નોંધાવી છે કે યુવકને મહિના પહેલા એક યુવતી સાથે સોશિયલ મિડિયાથી સંપર્ક થયો રહતો ત્યારબાદ બન્ને વાતચીત કરતા હતા.
યુવતીના ઇન્સ્ટ્રાગામ આઇડી ઉપરથી મળવા માટે મેસેજ આવ્યો હતો જેને લઇને યુવક રિંગ રોડ ઉપર ગયો હતો જ્યાં હાજર શખ્સે ફરિયાદી યુવકને તું મારી બહેનને કેવી રીતે ઓળખે છે કહીને પકડીને લાફા માર્યા હતા. ત્યારબાદ મોબાઇલ પડાવી લઇને મારી બહન ક્યાંછે કહીને બાઇક ઉપર બેસાડીને ઓઢવમાં ઓફિસ ખાતે લઇ જઇને આખી રાત ગોધી રાખીને માર માર્યો હતો બીજા દિવસે સવારે પોલીસ ચોકીમાં સાથે લઇ જઇને યુવતી ગુમની નોંધ કરાવીને યુવકને ધમકી આપી હતી કે કોઇને વાત કરીશ તો જાનથી મારી નાંખીશું.
