આરોપી મિત્રના ઘરે અવારનવાર જતો હોવાથી તરૂણી પરિચિત હતી : તરૂણી પર દુષ્કર્મ આચર્યા બાદ વીડિયો બનાવી આરોપી બ્લેકમેઇલ કરી ધમકાવતો પણ હતો
રાજકોટ, : રાજકોટ નજીક સોખડા ગામે રહેતા મૂળ ભગવતીપરા વિસ્તારના રાહુલ ભનુભાઈ જીંજરીયા (ઉ.વ. 24)એ રાજકોટમાં રહેતી તેના મિત્રની બહેનને બ્લેકમેઇલ કરી, ધમકાવી અપહરણ કરી રેલનગર વિસ્તારમાં પરિચિતના ઘરે લઇ ગયા બાદ દુષ્કર્મ આચર્યું હતું. એટલું જ નહીં આ બાબતનો વીડિયો પણ બનાવી તરૂણીને જો આ બાબતની કોઇને જાણ કરશે તો વીડિયો વાયરલ કરી દેવાની ાૃધમકી આપતાં બી ડીવીઝન પોલીસમાં ફરિયાદ નોધાઇ છે.
પોલીસ સૂત્રોના જણાવ્યા મુજબ આરોપી અને ભોગ બનનાર તરૂણીનો ભાઇ મિત્રો હતા. આરોપી અવારનવાર તેના ઘરે જતો હોવાથી તરૂણી આરોપીને ઓળખતી હતી. ત્યારબાદ મિત્રની જાણ બહાર આરોપીએ પાંચેક મહિના પહેલાં તરૂણીને મેસેજ કરવાનું શરૂ કર્યું હતું. મોટાભાઈનો મિત્ર હોવાથી તરૂણી આરોપીના મેસેજનો જવાબ આપતી હતી. પરંતુ ત્યારબાદ આરોપી તરૂણીને અભદ્ર મેસેજ મોકલવા લાગ્યો હતો. તરૂણીએ ના પાડતા તેને બ્લેકમેઇલ કરવાનું શરૂ કર્યું હતું.
ત્યારબાદ આરોપીએ તરૂણીને પરાણે મળવા બોલાવી બાઇક પર અપહરણ કરી, રેલનગર વિસ્તારમાં રહેતા પરિચિતના ઘરે લઇ ગયા બાદ ત્યાં તેને હવસનો શિકાર બનાવી હતી. એટલું જ નહીં આરોપીએ આ બાબતનો વીડિયો પણ ઉતારી લીધો હતો અને આ તરૂણીને જો કોઇને આ બાબતની વાત કરીશ તો વીડિયો વાયરલ કરી દઇશ તેવી ધમકી આપી હતી. આ બાદ પણ આરોપીએ બ્લેકમેઇલ શરૂ રાખી ધમકાવતા ગુમસુમ રહેતી તરૂણીએ આ અંગે તેના ભાઇ સહિતના પરિવારજનોને વાત કરતાં સૌ ચોંકી ગયા હતાં.
જે બાદ આ મામલે ફરિયાદ નોંધાવતા બી ડીવીઝન પોલીસે તરૂણીના ભાઈની ફરિયાદ પરથી રાહુલ જીંજરીયા સામે ગુનો દાખલ કરી તપાસ શરૂ કરી હતી. દરમિયાન ક્રાઇમ બ્રાંચે ગણતરીની કલાકોમાં આરોપી રાહુલ જીંજરીયાને ઝડપી લીધો હતો
