સાયબર ક્રાઇમ પોલીસ મથકમાં ફરિયાદ : પીબી પર આવેલી લીંક ખોલી, એપ ડાઉનલોડ કરાવ્યા બાદ 16 લાખ અલગ – અલગ બેંક ખાતામાં ટ્રાન્સફર કરાવ્યા
રાજકોટ, : રૈયા રોડ પરનાં અલ્કાપુરી સોસાયટીમા રહેતાં અને ખાનગી કંપનીમાં નોકરી કરતાં જય નટવરસિંહ રાઠોડ (ઉ.વ. 39)ને શેરબજારની લે-વેચ કરી સારૂં રીટર્ન આપવાની લાલચ આપી અજાણ્યા શખ્સોએ અલગ – અલગ બેંક ખાતામાં રૂા. 16 લાખ ટ્રાન્સફર કરાવી સાયબર ફ્રોડ કર્યાની સાયબર ક્રાઇમ પોલીસ મથકમાં ફરિયાદ નોંધાઇ છે.
જયભાઇએ પોલીસને જણાવ્યું કે, ગઇ તા.૨૯-૫નાં તેના ફેસબુક એકાઉન્ટ પર એક કંપનીની ઇન્વેસ્ટ કરવા માટેની પોસ્ટ આવી હતી. જેની નીચે લીંક આપેલી હતી. તે ઓપન કરતાં ફોર્મ ખુલ્યું હતું. જેમાં તેણે વિગતો ભરી હતી. ત્યારબાદ 360 વન – 288 સિનિયર ઇલાઇટ શેરિંગ ગ્રુપ નામના વોટ્સએપ ગ્રુપમાં તેને એડ કરાયા હતા.
જે ગ્રુપમાં તેને શેર માર્કેટ રીલેટેડ સ્ટોકમાં ઇન્વેસ્ટમેન્ટને લગતી માહિતી અપાતી હતી. આથી તેણે ઇન્વેસ્ટ કરવાની ઇચ્છા દર્શાવતા તે ગુ્રપમાં એક મેસેજ આવ્યો હતો. જેમાં ‘તમારે ઇન્વેસ્ટમેન્ટ કરવું હોય તો હું તમને લીંક મોકલું તે ઓપન કરી એપ ખુલશે. તેમાં તમારી વિગતો ભરવાની રહેશે. તેમ લખેલું હતું. બે – ત્રણ દિવસ બાદ લીંક આવતા તેણે ઓપન કર્યા બાદ ફીન વોલ્ટ નામની એપ ડાઉનલોડ કરાવી હતી. જેનાં તેણે વિગતો ભરી હતી. ત્યારબાદ ફરી ‘તમારા વોલેટમાં ફંડ એડ કરવા મોબાઇલ નંબર પર મેસેજ કરો કહેતાં તેને મેસેજ કર્યો હતો. જેથી તે શખ્સો ડાઉનલોડ કરેલી એપમાં જવાનું કહી પ્રોસીઝટ કહેતા તેણે વોલેટમાં રૂપિયા જમા કરાવી શેર લે – વેચ કરી હતી. ત્યારબાદ અલગ – અલગ પાંચ જેટલા બેંક એકાઉન્ટમાં તેણે રૂા. 16 લાખ જેટલી રકમ ટ્રાન્સફર કરી રોકાણ કર્યું હતું. જે રકમ એપના વોલેટમાં દેખાડતી હતી. પરંતુ તે રકમ વિથડ્રો કરવા ટીકવેસ્ટ નાખતાં 15 ટકા સર્વિસ ફી ભરી પડશે. તેવા મેસેજ આવતા ઠગાઇ થયાની જાણ થઇ હતી. સાયબર ક્રાઇમ પોલીસે પાંચે જેટલા એકાઉન્ટ ધારકો સામે ગુનો દાખલ કરી તપાસ શરૂ કરી છે
