વડોદરા, તા.27 વડોદરા નજીક આવેલા સમસાબાદ ગામમાં ખાટલામાં ઊંઘતી પત્નીને પતિએ કૂહાડીનો ઘા મારી ગંભીર ઇજા પહોંચાડયા બાદ ટૂંકી સારવાર દરમિયાન પત્નીનું મોત નિપજ્યું હતું. હત્યા કર્યા બાદ ફરાર પતિને પોલીસે ઝડપી પાડયો હતો.
પ્રાપ્ત માહિતી મુજબ સમસાબાદ ગામમાં રહેતો રાહિત મેલસંગ પાટણવાડિયા કારવણરોડ પર આવેલી ખાનગી કંપનીમાં વેલ્ડિંગનું કામ કરે છે. છેલ્લા ૧૦ દિવસથી તે નોકરી પર જતો ન હતો. તેને અગાઉ દારૃ પીવાની આદત હતી પરંતુ છેલ્લા ત્રણ માસથી દારૃ છોડી દેતા તેની સારવાર ચાલતી હતી. રોહિતને રાત્રે સાથે કૂહાડી લઇને ઊંઘી જવાની આદત હતી. તા.૨૬ની રાત્રે તેને સાથે કૂહાડી રાખી હતી જેથી તેની માતા કૈલાસબેને જણાવેલ કે કૂહાડી સાઇડ પર મૂકીને શાંતિથી ઊંઘી જા જેથી તે ઉશ્કેરાટમાં આવી ગયો હતો અને કૂહાડીથી માતાનો ગુસ્સો ખાટલામાં ઊંઘતી પત્ની પર ઉતારી પત્ની લક્ષ્મી (ઉ.વ.૩૭)ના માથામાં મારી દેતા તે લોહિંલુહાણ થઇ ગઇ હતી.
આ અંગેની જાણ ગામમાં થતા લક્ષ્મીને પ્રથમ પોર સરકારી દવાખાને અને બાદમાં સયાજી હોસ્પિટલમાં લઇ જતા આજે મળસ્કે તેનું મોત નિપજ્યું હતું. આ અંગે વરણામા પોલીસે હત્યાનો ગુનો દાખલ કરી રોહિતની રાત્રે ધરપકડ કરી હતી. પોલીસે જણાવ્યું હતું કે લક્ષ્મીના અગાઉ ભરૃચ ખાતે લગ્ન થયા હતા પરંતુ પતિનું બીમારીના કારણે મોત થયા બાદ તેને પોતાના ગામમાં જ રોહિત સાથે બીજા લગ્ન કર્યા હતા અને સંતાનમાં એક પુત્ર તેમજ એક પુત્રી છે.
