મુંબઈ : જીઓપોલિટીકલ ટેન્શન હળવું થતાં અને વિશ્વ ફરી આર્થિક વિકાસની પટરી પર આવવાના પ્રયાસોમાં પગલાં લેવા માંડયા સાથે ભારતમાં પણ વિદેશી રોકાણ પ્રવાહને આકર્ષવા નાણા પ્રધાન નિર્મલા સીતારામન તેમ જ રિઝર્વ બેંક દ્વારા લેવાઈ રહેલા પગલાંથી વિદેશી રોકાણનો પ્રવાહ વહેતો જોવાઈ રહ્યો છે. આ સાથે આજે શેરોમાં સતત પાંચમાં દિવસે શેરોમાં તેજીનો વાદળો વરસતા રહ્યા હતા. સેકન્ડરી માર્કેટ સાથે હવે પ્રાઈમરી માર્કેટમાં પણ તેજીનો સળવળાટ વધવા લાગતાં સેન્ટીમેન્ટ તેજીનું જળવાયું હતું. નેશનલ સ્ટોક એક્સચેન્જ-એનએસઈ દ્વારા લાંબા સમયથી રાહ જોવાઈ રહેલા મેગા આઈપીઓ માટે ડીઆરએચપી ફાઈલ કરી દેવાતાં અને રિલાયન્સ ઈન્ડસ્ટ્રીઝની ૧૯, જૂનના ૪૯મી એજીએમ પૂર્વે જિયોના આઈપીઓ સંબંધિત સળવળાટે આજે ફંડોએ શેરોમાં ખરીદી જાળવી હતી. સેન્સેક્સ આરંભિક આંચકામાં ૨૦૨.૬૨ પોઈન્ટના ઘટાડે નીચામાં ૭૬૯૫૩ સુધી આવી અંતે ૨૫૪.૩૬ પોઈન્ટ વધીને ૭૭૪૦૯.૯૮ બંધ રહ્યો હતો. આમ સેન્સેક્સ આજે ઘટયામથાળેથી ૪૫૭ ુપોઈન્ટ વધ્યો હતો. જ્યારે નિફટી ૫૦ સ્પોટ ઈન્ડેક્સ નીચામાં ૨૪૦૩૬.૯૫ સુધી આવી અંતે ૮૨.૩૦ પોઈન્ટ વધીને ૨૪૧૬૮ બંધ રહ્યો હતો.
બેંકિંગ શેરોમાં તેજી
રિઝર્વ બેંક ઓફ ઈન્ડિયા દ્વારા બેંકોને એફસીએનઆર(બી) અને એનઆરઈ થાપણો પર વ્યાજ દરની ટોચ મર્યાદા દૂર કરાતા બેંકોને ફાયદો થવાની અપેક્ષાએ બેંકિંગ-ફાઈનાન્સ શેરોમાં આજે ફંડોની સક્રિય લેવાલી વધતાં વ્યાપક તેજીનો સળવળાટ જોવાયો હતો. સ્ટેટ બેંક ઓફ ઈન્ડિયા રૂ.૧૬.૮૫ વધીને રૂ.૧૦૪૨.૮૫, યુનિયન બેંક ઓફ ઈન્ડિયા રૂ.૨.૬૫ વધીને રૂ.૧૭૬.૧૫, યશ બેંક ૩૮ પૈસા વધીને રૂ.૨૫.૪૯, એચડીએફસી બેંક રૂ.૧૧.૭૫ વધીને રૂ.૭૯૮.૫૫, એક્સિસ બેંક રૂ.૯.૬૦ વધીને રૂ.૧૩૬૦.૫૫ રહ્યા હતા. બીએસઈ બેંકેક્સ ઈન્ડેક્સ ૪૪૯.૨૮ પોઈન્ટ વધીને ૬૫૩૫૪.૮૮ બંધ રહ્યો હતો.
કેપિટલ ગુડઝમાં નવી ખરીદી
પાવર-કેપિટલ ગુડઝ શેરોમાં ફંડોની આજે અવિરત પસંદગીની ખરીદી રહી હતી. જીઈ વર્નોવા રૂ.૯૩.૨૦ વધીને રૂ.૫૨૪૬.૪૫, પાવર ઈન્ડિયા રૂ.૩૨૯.૬૦ વધીને રૂ.૩૬,૨૮૫.૩૫, એબીબી ઈન્ડિયા રૂ.૫૧.૦૫ વધીને રૂ.૭૨૨૭, સિમેન્સ રૂ.૨૨.૭૫ વધીને રૂ.૩૭૪૬.૮૦, ડાટાપેટર્નસ રૂ.૨૭.૯૫ વધીને રૂ.૪૮૦૧.૬૫ રહ્યા હતા. બીએસઈ કેપિટલ ગુડઝ ઈન્ડેક્સ ૩૫૫.૬૪ પોઈન્ટ વધીને ૮૨૬૮૪.૨૩ બંધ રહ્યો હતો.
ફાર્મા શેરોમાં તેજી
હેલ્થકેર-ફાર્માસ્યુટિકલ્સ કંપનીઓના શેરોમાં આજે ફંડોએ ફરી ઘટાડે મોટી ખરીદી કરી હતી. હાઈકલ રૂ.૮.૪૦ વધીને રૂ.૧૯૮.૫૦, વિમતા લેબ રૂ.૨૨.૨૫ વધીને રૂ.૫૬૬.૬૦, ગ્લેક્સો રૂ.૬૮ વધીને રૂ.૨૨૬૬.૮૫, લુપીન રૂ.૬૦.૭૦ વધીને રૂ.૨૩૨૭.૫૦, માર્કસન્સ રૂ.૬.૫૫ વધીને રૂ.૨૬૧.૩૦ રહ્યા હતા. બીએસઈ હેલ્થકેર ઈન્ડેક્સ ૪૩૧.૩૪ પોઈન્ટ વધીને ૪૭૪૮૪.૬૭ બંધ રહ્યો હતો.
મેટલ-માઈનીંગ શેરોમાં ખરીદી
મેટલ-માઈનીંગ શેરોમાં આજે ખરીદીનું આકર્ષણ જળવાયું હતું. અલબત સિલેક્ટિવ શેરો પૂરતી તેજી મર્યાદિત રહી હતી. સેઈલ રૂ.૨.૪૦ વધીને રૂ.૧૮૨.૧૦, ટાટા સ્ટીલ રૂ.૧.૫૫ વધીને રૂ.૨૦૦.૫૫, એનએમડીસી રૂ.૮૮.૪૯, જેએસડબલ્યુ સ્ટીલ રૂ.૬.૯૦ વધીને રૂ.૧૨૯૪ રહ્યા હતા. બીએસઈ મેટલ ઈન્ડેક્સ ૧૮૪.૦૩ પોઈન્ટ વધીને ૪૨૦૯૨.૪૧ બંધ રહ્યો હતો.
આઈટી શેરોમાં પ્રોફિટ બુકિંગ
આઈટી-સોફ્ટવેર સર્વિસિઝ, ટેકનોલોજી શેરોમાં આજે ઉછાળે પ્રોફિટ બુકિંગ થયું હતું. ઈન્ફોસીસ રૂ.૩૦.૮૫ ઘટીને રૂ.૧૧૨૭.૨૫, ટાટા ટેકનોલોજી રૂ.૨૦.૨૦ ઘટીને રૂ.૭૫૩.૫૫, બીએલએસઈ રૂ.૩.૬૫ ઘટીને રૂ.૨૨૫.૧૦ રહ્યા હતા. બીએસઈ આઈટી ઈન્ડેક્સ ૩૧૫.૧૭ પોઈન્ટ ઘટીને ૨૭૮૨૧.૮૬ બંધ રહ્યો હતો.
DIIની રૂ.૩૫૧૭ કરોડની ખરીદી
ફોરેન પોર્ટફોલિયો ઈન્વેસ્ટરો-એફપીઆઈઝ, એફઆઈઆઈઝની આજે-ગુરૂવારે કેશ સેગ્મેન્ટમાં રૂ.૧૦૨૫.૨૦ કરોડના શેરોની ચોખ્ખી વેચવાલી કરી હતી.સ્થાનિક સંસ્થાકીય રોકાણકારો-ડીઆઈઆઈની પણ આજે રૂ.૩૫૧૬.૮૧ કરોડના શેરોની ચોખ્ખી ખરીદી રહી હતી.
રોકાણકારોની સંપતિ વધી
સેન્સેક્સ, નિફટીમાં અવિરત પાંચમાં દિવસે ફંડોએ તેજી કર્યા સાથે સ્મોલ, મિડ કેપ, એ ગુ્રપના શેરોમાં આકર્ષણ જળવાતાં રોકાણકારોની સંપતિ એટલે કે બીએસઈમાં લિસ્ટેડ કંપનીઓનું એક્ત્રિત માર્કેટ કેપિટલાઈઝેશન આજે એક દિવસમાં રૂ.૨.૪૮ લાખ કરોડ વધીને રૂ.૪૭૭.૬૦ લાખ કરોડ રહ્યું હતું.
