વડોદરા, તા.4 વડોદરા નજીક આવેલા સમીયાલા ગામ પાસે રહેતી દારૃની મહિલા ધંધાર્થીના ઘેર પોલીસે દરોડો પાડીને એક ગાડી તેમજ ઘરની આસપાસથી દારૃનો મોટો જથ્થો ઝડપી પાડી એક શખ્સની ધરપકડ કરી છે.
પ્રાપ્ત માહિતી મુજબ લીલા રંગની એક તવેરા ગાડી દારૃ ભરીને સમીયાલા પાસે વેસ્ટર્ન બાયપાસ રોડ પરની પંચમુખી સોસાયટીમાં રહેતી નીરુ જગદીશ ઠાકોરને ઘેર દારૃનો જથ્થો ઉતારવા જાય છે તેવી માહિતીના આધારે જિલ્લા એલસીબીએ મહિલાના ઘેર દરોડો પાડતા ઘર પાસે માહિતી મુજબની ગાડી ઊભી હતી. ગાડીની ડ્રાઇવર સીટ પર બેસેલ શખ્સ વિજય પ્રભાત ઠાકરડા (રહે.દ્વારકેશ કોમ્પ્લેક્સ, તરસાલી, મૂળ ભાલીયાપુરા)ને સાથી રાખી ગાડીમાં તપાસ કરતાં ગાડીમાંથી તેમજ મહિલાના ઘરની આજુબાજુની ઝાડીઓમાંથી દારૃની ૭૨૯ બોટલો મળી હતી.
પોલીસે ગાડી તેમજ બુલેટ અને દારૃનો જથ્થો મળી કુલ રૃા.૪.૬૫ લાખનો મુદ્દામાલ જપ્ત કરી વિજય ઠાકરડાની પૂછપરછ કરતા જાણવા મળ્યું હતું કે દિપક મુલજીભાઇ વાળંદ (રહે.આંકલાવ)એ દારૃ ભરેલી ગાડી સિંઘરોટ બ્રિજ પાસેથી આપી હતી અને પોલીસથી બચવા માટે ભત્રીજો વિશાલ શંકર ઠાકરડા (રહે.ભાલીયાપુરા) બુલેટથી દારૃ ભરેલી ગાડીનું પાઇલોટિંગ કરતો હતો. પોલીસે દિપક વાળંદ, નીરુ ઠાકોર અને વિશાલ ઠાકરડાની શોધખોળ હાથ ધરી છે.
