મુંબઈ : ભારત અને અમેરિકા વચ્ચે ટ્રેડ ડિલ માટે સમંતિ સધાયા બાદ આ ટ્રેડ ડિલની વિગતો સ્પષ્ટ કરવામાં સરકારના કૃષિ, ડેરી ઉદ્યોગને સુરક્ષિત રાખવામાં આવ્યાના દાવા સામે વિપક્ષોના વિપરીત વલણ અને અમેરિકાના અહેવાલો પણ ભારતનું કૃષિ બજાર ભારત માટે ખુલ્લુ મૂકાયાના દાવા અને અમેરિકાના ભારત હવે રશિયા પાસેથી ક્રુડ ઓઈલની આયાત બંધ કરશે એવા દાવાને રશિયાએ ફગાવીને ભારત આયાત ચાલુ રાખશે એવા દાવાને લઈ અનિશ્ચિતતા વધવાના સંકેતે શેરોમાં ફરી ઉછાળે સાવચેતી જોવાઈ હતી. આ ઉપરાંત રિઝર્વ બેંક ઓફ ઈન્ડિયા (આરબીઆઈ)ની મોનીટરી પોલિસી કમિટી (એમસીપી)ની યોજાઈ રહેલી મીટિંગનો આવતીકાલે-શુક્રવારે નિષ્કર્ષ જાહેર થનાર હોય અને આ વખતે રેપો રેટ જાળવી રાખવામાં આવશે એવી પૂરી શકયતાએ ફોરેન ફંડોએ તેજીને વિરામ આપીને આજે શેરોમાં પ્રોફિટ બુકિંગ કર્યું હતું. આઈટી શેરોમાં સતત વેચવાલી સાથા આજે ઓટોમોબાઈલ, કેપિટલ ગુડઝ, કન્ઝયુમર ડયુરેબલ્સ, મેટલ-માઈનીંગ, બેંકિંગ શેરોમાં પ્રોફિટ બુકિંગ થયું હતું. સેન્સેક્સ ૫૦૩.૭૬ પોઈન્ટ તૂટીને ૮૩૩૧૩.૯૩ અને નિફટી ૫૦ સ્પોટ ઈન્ડેક્સ ૧૩૩.૨૦ પોઈન્ટ ઘટીને ૨૫૬૪૨.૮૦ બંધ રહ્યા હતા.
આઈટી શેરોમાં એઆઈના ફફડાટે વેચવાલી : હેક્ઝાવેર રૂ.૫૦, જેનેસીસ રૂ.૧૪, સિએન્ટ રૂ.૪૬ તૂટયા
આર્ટિફિશિયલ ઈન્ટેલિજન્સ (એઆઈ)થી આઈટી-સોફ્ટવેર સર્વિસિઝ બિઝનેસને મોટો ફટકો પડવાના અને એન્થ્રોપિકના એઆઈ ટુલથી આઈટી ઉદ્યોગની કંપનીઓના બિઝનેસમાં ધરખમ ઘટાડાના અંદાજોએ વૈશ્વિક બજારોમાં સોફ્ટવેર શેરોમાં સંપતિનું ૨૮૫ અબજ ડોલરનું ધોવાણ થઈ ગયા બાદ આજે પણ સતત વેચવાલી રહી હતી. હેક્ઝાવેર ટેકનોલોજી રૂ.૫૦.૦૫ તૂટીને રૂ.૬૪૦.૨૫, ઝેગલ રૂ.૧૩.૬૦ ઘટીને રૂ.૨૮૭.૩૦, ઓરિઓનપ્રો રૂ.૪૨.૨૦ ઘટીને રૂ.૯૦૭.૮૫, જેનેસીસ રૂ.૧૪.૩૦ ઘટીને રૂ.૩૦૯.૧૦, સિએન્ટ રૂ.૪૬.૫૫ ઘટીને રૂ.૧૧૦૧.૬૦, રેટગેઈન રૂ.૨૫.૩૫ ઘટીને રૂ.૬૦૪.૭૫, ઈમુદ્રા રૂ.૧૨.૯૦ ઘટીને રૂ.૫૧૨.૦૫ રહ્યા હતા. બીએસઈ આઈટી ઈન્ડેક્સ ૨૬૬.૪૩ પોઈન્ટ ઘટીને ૩૪૮૪૩.૦૮ બંધ રહ્યો હતો.
કેપિટલ ગુડઝ ઈન્ડેક્સ ૭૨૭ તૂટયો : કેયન્સ રૂ.૧૬૭, હિન્દ એરોનોટિક્સ રૂ.૧૮૨, ડાટા પેટર્ન રૂ.૯૦ તૂટયા
કેપિટલ ગુડઝ-પાવર શેરોમાં આજે ફંડોએ ઉછાળે નફારૂપી વેચવાલી કરી હતી. કેયન્સ રૂ.૧૬૬.૮૫ તૂટીને રૂ.૩૬૧૪.૨૦, હિન્દુસ્તાન એરોનોટિક્સ રૂ.૧૮૨.૧૦ તૂટીને રૂ.૪૦૩૪.૮૫, સુઝલોન રૂ.૧.૯૨ તૂટીને રૂ.૪૭.૮૬, ડાટા પેટર્નસ રૂ.૮૯.૯૦ તૂટીને રૂ.૨૫૨૬.૫૫, એઆઈએ એન્જિનિયરિંગ રૂ.૧૩૯.૯૫ તૂટીને રૂ.૩૯૭૨.૯૦, આઈનોક્સ વિન્ડ રૂ.૩.૧૫ ઘટીને રૂ.૧૦૭, કિર્લોસ્કર એન્જિન રૂ.૩૩.૨૦ ઘટીને રૂ.૧૧૯૫, ભારત ડાયનામિક્સ રૂ.૩૨.૦૫ ઘટીને રૂ.૧૨૭૨.૭૦, ટીમકેન રૂ.૭૧.૦૫ ઘટીને રૂ.૩૧૭૯.૯૦, કાર્બોરેન્ડમ યુનિવર્સલ રૂ.૧૩.૭૫ ઘટીને રૂ.૭૯૦.૧૦, જયોતી સીએનસી રૂ.૧૩.૬૦ ઘટીને રૂ.૮૨૩.૪૦ રહ્યા હતા. બીએસઈ કેપિટલ ગુડઝ ઈન્ડેક્સ ૭૨૬.૬૫ પોઈન્ટ ગબડીને ૬૭૪૭૯.૦૧ બંધ રહ્યો હતો.
ઓટો શેરોમાં ફંડોની તેજીને બ્રેક : ટીઆઈ ઈન્ડિયા રૂ.૨૫૬, એમઆરએફ રૂ.૨૭૫૭, હીરો રૂ.૮૮ ઘટયા
ઓટોમોબાઈલ કંપનીઓના શેરોમાં પાછલા ત્રણ દિવસ તેજી જોવાયા બાદ આજે ઉછાળે સાવચેતી સાથે ફંડોએ નફારૂપી વેચવાલી કરી હતી. ટીઆઈ ઈન્ડિયા રૂ.૨૫૬.૪૦ તૂટીને રૂ.૨૩૮૦.૮૦, એમઆરએફ રૂ.૨૭૫૭.૭૦ ઘટીને રૂ.૧,૩૪,૯૩૩.૫૫, હીરો મોટોકોર્પ રૂ.૮૮.૬૦ ઘટીને રૂ.૫૭૬૮.૮૦, એક્સાઈડ રૂ.૪.૮૫ ઘટીને રૂ.૩૩૬.૭૫, ભારત ફોર્જ રૂ.૧૯.૦૫ ઘટીને રૂ.૧૫૭૩.૨૦, હ્યુન્ડાઈ મોટર રૂ.૨૬ ઘટીને રૂ.૨૧૬૩.૫૦, બોશ રૂ.૪૨૫.૫૦ ઘટીને રૂ.૩૬,૨૬૯ રહ્યા હતા. બીએસઈ ઓટો ઈન્ડેક્સ ૩૮૬.૨૯ પોઈન્ટ ઘટીને ૬૧૩૪૬.૩૧ બંધ રહ્યો હતો.
મેટલ શેરોમાં ફરી ફંડો હળવા થયા : વેદાન્તા રૂ.૩૨ તૂટી રૂ.૬૫૫ : હિન્દુસ્તાન ઝિંક, હિન્દાલ્કો ઘટયા
મેટલ-માઈનીંગ શેરોમાં પણ ફંડો ફરી હળવા થયા હતા. સોના અને ચાંદીમાં તેજીનો સટ્ટો વિખેરાઈ ફરી ભાવો તૂટવા સાથે મેટલ-માઈનીંગ શેરોમાં ઓફલોડિંગ થયું હતું. વેદાન્તા રૂ.૩૨.૫૦ તૂટીને રૂ.૬૫૫.૩૦, હિન્દુસ્તાન ઝિંક રૂ.૨૮.૪૦ ઘટીને રૂ.૬૧૦.૭૫, હિન્દાલ્કો રૂ.૨૯.૧૫ ઘટીને રૂ.૯૩૪.૯૦, નાલ્કો રૂ.૧૧ ઘટીને રૂ.૩૬૩.૯૫, એનએમડીસી રૂ.૧.૩૫ ઘટીને રૂ.૮૪.૬૧ રહ્યા હતા. બીએસઈ મેટલ ઈન્ડેક્સ ૪૧૭.૦૪ પોઈન્ટ ઘટીને ૩૯૨૨૨.૩૭ બંધ રહ્યો હતો.
કન્ઝયુમર ડયુરેબલ્સ શેરોમાં તેજીને વિરામ : કલ્યાણ જવેલર્સ રૂ.૧૧, ડિક્સન રૂ.૩૦૪, બર્જર રૂ.૮ ઘટયા
કન્ઝયુમર ડયુરેબલ્સ કંપનીઓના શેરોમાં પણ આજે ફંડોએ તેજીને વિરામ આપી હળવા થયા હતા. કલ્યાણ જવેલર્સ રૂ.૧૦.૯૫ ઘટીને રૂ.૩૭૬.૨૦, ડિક્સન ટેકનોલોજી રૂ.૩૦૪.૨૦ ઘટીને રૂ.૧૧,૩૭૭.૨૦, બર્જર પેઈન્ટ રૂ.૭.૭૫ ઘટીને રૂ.૪૭૨.૩૫, બ્લુ સ્ટાર રૂ.૨૩.૯૦ ઘટીને રૂ.૧૮૫૬.૧૫, ટાઈટન રૂ.૩૮.૪૦ ઘટીને રૂ.૪૦૯૮.૧૫ રહ્યા હતા. બીએસઈ કન્ઝયુમર ડયુરેબલ્સ ઈન્ડેક્સ ૫૦૮.૪૫ પોઈન્ટ ઘટીને ૫૭૪૬૮.૨૮ બંધ રહ્યો હતો.
ધિરાણ નીતિ પૂર્વે બેંકિંગ શેરોમાં ફંડો નવી ખરીદીમાં સાવચેત : આઈડીબીઆઈ, આઈસીઆઈસીઆઈ ઘટયા
રિઝર્વ બેંક ઓફ ઈન્ડિયાની ધિરાણ નીતિ સમીક્ષા માટેની મીટિંગના આવતીકાલે શુક્રવારે નિષ્કર્ષ જાહેર થતાં પૂર્વે રેપો રેટ આ વખતે જાળવી રાખવામાં આવે એવી શકયતાએ ફંડો બેંકિંગ-ફાઈનાન્સ શેરોમાં નવી ખરીદીમાં આજે સાવચેત રહ્યા હતા. આઈસીઆઈસીઆઈ બેંક રૂ.૧૨.૫૦ ઘટીને રૂ.૧૩૯૬.૨૦, આઈડીબીઆઈ બેંક રૂ.૬.૩૦ ઘટીને રૂ.૧૦૨.૯૫, એમસીએક્સ રૂ.૧૩૧.૫૫ ઘટીને રૂ.૨૪૧૨.૫૦, જેએમ ફાઈનાન્શિયલ રૂ.૬.૪૦ ઘટીને રૂ.૧૨૫, મુથુટ ફિન રૂ.૧૪૬.૮૦ ઘટીને રૂ.૩૫૭૫.૨૦, જેએસડબલ્યુ હોલ્ડિંગ રૂ.૬૮૬.૯૫ ઘટીને રૂ.૧૭,૫૧૩.૮૦, કોટક મહિન્દ્રા બેંક રૂ.૩.૫૫ ઘટીને રૂ.૪૦૮.૬૫, ઈન્ડસઈન્ડ બેંક રૂ.૬.૭૦ ઘટીને રૂ.૯૧૪.૨૫ રહ્યા હતા. બીએસઈ બેંકેક્સ ઈન્ડેક્સ ૧૬૩.૧૯ પોઈન્ટ ઘટીને ૬૭૫૩૬.૩૭ બંધ રહ્યો હતો.
સ્મોલ, મિડ કેપ શેરોમાં ઉછાળે પ્રોફિટ બુકિંગે માર્કેટબ્રેડથ ફરી નેગેટીવ : ૨૫૦૪ શેરો નેગેટીવ બંધ
સેન્સેક્સ, નિફટી બેઝડ તેજીને બ્રેક લાગ્યા સાથે આજે એ ગુ્રપ અને ઘણા સ્મોલ, મિડ કેપ શેરોમાં નફારૂપી વેચવાલી રહેતાં માર્કેટબ્રેડથ ફરી નેગેટીવ બની હતી. બીએસઈમાં કુલ ટ્રેડિંગ થયેલી ૪૩૪૮ સ્ક્રિપોમાંથી વધનારની સંખ્યા ૨૬૬૭થી ઘટીને ૧૬૯૦ અને ઘટનારની સંખ્યા ૧૫૩૫થી વધીને ૨૫૦૪ રહી હતી.
FPIs/FIIની રૂ.૨૧૫૧ કરોડના શેરોની ચોખ્ખી વેચવાલી : DIIની રૂ.૧૧૩૦ કરોડની ચોખ્ખી ખરીદી
ફોરેન પોર્ટફોલિયો ઈન્વેસ્ટરો-એફપીઆઈઝ, એફઆઈઆઈઝની આજે-ગુરૂવારે કેશ સેગ્મેન્ટમાં રૂ.૨૧૫૦.૫૧ કરોડના શેરોની ચોખ્ખી ખરીદી કરી હતી. કુલ રૂ.૧૪,૬૩૦.૦૭ કરોડની ખરીદી સામે કુલ રૂ.૧૬,૭૮૦.૫૮ કરોડની વેચવાલી કરી હતી. જ્યારે સ્થાનિક સંસ્થાકીય રોકાણકારો-ડીઆઈઆઈની આજે રૂ.૧૧૨૯.૮૨ કરોડના શેરોની ચોખ્ખી ખરીદી રહી હતી. કુલ રૂ.૧૫,૧૮૨.૧૮ કરોડની ખરીદી સામે કુલ રૂ.૧૪,૦૫૨.૩૬ કરોડની વેચવાલી કરી હતી.
શેરોમાં રોકાણકારોની સંપતિ-માર્કેટ કેપિટલાઈઝેશન રૂ.૨.૪૬ લાખ કરોડ ઘટીને રૂ.૪૬૬.૭૦ લાખ કરોડ
શેરોમાં આજે ઉછાળે અનેક શેરોમાં નફારૂપી વેચવાલી થતાં રોકાણકારોની સંપતિ એટલે કે બીએસઈ પર લિસ્ટેડ કંપનીઓનું એક્ત્રિત માર્કેટ કેપિટલાઈઝેશન આજે એક દિવસમાં રૂ.૨.૪૬ લાખ કરોડ ઘટીને રૂ.૪૬૬.૭૦ લાખ કરોડ રહ્યું હતું.
