મુંબઈ : મુંબઈ ઝવેરી બજારમાં આજે શનિવારના કારણે બુલીયન બજાર સત્તાવાર બંધ રહી હતી. જોકે બંધ બજારે સોના-ચાંદીના ભાવ ફરી ઉંચકાયા હતા. સોનામાં તેજી આગળ વધી હતી જ્યારે ચાંદીના ભાવ બે દિવસમાં નોંધપાત્ર તૂટી ગયા પછી શનિવારે વધુ ઘટતા અટકી પ્રત્યાઘાતી ફરી ઉંચકાયા હતા. વિશ્વ બજારના સમાચાર પ્રોત્સાહક હતા. વિશ્વ બજાર ઉંચકાતાં ઘરઆંગણે ઈંમ્પોર્ટ કોસ્ટ વધતાં ઝવેરી બજારમાં ફરી ભાવ ઉંચા બોલાતા થયા હતા.
દરમિયાન, વિશ્વ બજારમાં સોનાના ભાવ ઔંશના ૪૦૩૪થી ૪૦૩૫ વાળા ફરી વધી ઉંચામાં ભાવ ૪૦૭૦થી ૪૦૭૧ થઈ છેલ્લે સપ્તાહના અંતે ભાવ ૪૦૬૫થી ૪૦૬૬ ડોલર રહ્યાના નિર્દેશો હતા. સોના પાછળ વૈશ્વિક ચાંદીના ભાવ ઔંશના ૪૮.૭૫થી ૪૮.૭૬ વાળા વધી ફરી ૫૦ ડોલરની સપાટી પાર કરી છેલ્લે ભાવ ૫૦.૦૨થી ૫૦.૦૩ ડોલર રહ્યા હતા.
દરમિયાન, મુંબઈ બુલિયન બજારમાં આજે સોનાના ભાવ જીએસટી વગર ૧૦ ગ્રામના ૯૯૫ના રૂ.૧૨૨૬૫૩થી વધી રૂ.૧૨૩૨૦૦ તથા ૯૯૯ના ભાવ રૂ.૧૨૩૧૪૬ વાળા રૂ.૧૨૩૭૦૦ રહ્યા હતા. મુંબઈ ચાંદીના ભાવ કિલોના જીએસટી વગર રૂ.૧૫૧૧૨૯ વાળા વધી રૂ.૧૫૩૮૦૦ રહ્યા હતા. મુંબઈ સોના-ચાંદીમાં જીએસટી સાથેના ભાવ આ ભાવથી ૩ ટકા ઉંચા રહ્યા હતા.
વિશ્વ બજારમાં વિવિધ પ્રમુખ કરન્સીઓ સામે ડોલરનો વૈશ્વિક ઈન્ડેક્સ ૧૦૦.૦૭થી વધી ૧૦૦.૪૦ થઈ છેલ્લે ૧૦૦.૨૦ રહ્યાના નિર્દેશો હતા. વિશ્વ બજાર પાછળ ઘરઆંગણે મુંબઈ કરન્સી બજારમાં બંધ બજારે રૂપિયા સામે ડોલરના ભાવ રૂ.૮૯.૪૨ વાળા વધી રૂ.૮૯.૬૨થી ૮૯.૬૩૨ બોલાતા રૂપિયો વધુ સગબડી બંધ બજારે નવા નીચા તળિયે ઉતરી ગયાનું કરન્સી બજારના સૂત્રો જણાવી રહ્યા હતા.
દરમિયાન, અમદાવાદ ઝવેરી બજારમાં આજે સોનાના ભાવ રૂ.૭૦૦ વધી ૯૯૫ના રૂ.૧૨૭૨૦૦ તથા ૯૯૯ના રૂ.૧૨૭૫૦૦ રહ્યા હતા જ્યારે અમદાવાદ ચાંદીના ભાવ રૂ.૩૦૦૦ ઉછળી રૂ.૧૫૭૦૦૦ બોલાયા હતા. વિશ્વ બજારમાં પ્લેટીનમના ભાવ ઔંશના ૧૫૦૦થી વધી ૧૫૨૨ ડોલર તથા પેલેડીયમના ભાવ ૧૩૬૦ વાળા વધી ૧૩૮૧ ડોલર રહ્યા હતા.
વૈશ્વિક કોપરના ભાવ પણ આંચકા પચાવી ફરી વધી છેલ્લે ભાવ ૦.૯૪ ટકા પ્લસમાં રહ્યા હતા. વૈશ્વિક ક્રૂડતેલના ભાવ પણ ઘટતા અટકી ફરી વધી આવ્યા હતા. બ્રેન્ટ ક્રૂડના ભાવ બેરલના ૬૧.૯૬ વાળા વદી ૬૩.૧૦ થઈ છેલ્લે ભાવ ૬૨.૫૬ ડોલર રહ્યા હતા. યુએસ ક્રૂડના ભાવ ૫૭.૪૬ વાળા વદી ૫૮.૮૦ થઈ છેલ્લે ભાવ ૫૮.૦૬ ડોલર રહ્યા હતા.
