મુંબઈ : મુંબઈ ઝવેરી બજારમાં આજે સોના-ચાંદીમાં આંચકા પચાવી ભાવ ફરી ઝડપી ઉછળતાં જોવા મળ્યા હતા. વિશ્વ બજારના સમાચાર તેજી બતાવી રહ્યા હતા. વિશ્વ બજાર ઉંચકાતાં ઘરઆંગણે ઈમ્પોર્ટ કોસ્ટ વધી જતાં દેશના ઝવેરી બજારોમાં આજે તેજીનો ચમકારો ફરી જોવા મળ્યો હતો. વિશ્વ બજારમાં આજે સોનાના ભાવ ઔંશના ૪૦૬૮થી ૪૦૬૯ વાળા ઉછળી ૪૧૦૦ ડોલરની સપાટી કુદાવી ઉંચામાં ભાવ ૪૧૫૪થી ૪૧૫૫ થઈ ૪૧૩૩થી ૪૧૩૪ ડોલર રહ્યાના સમાચાર મળ્યા હતા.
દરમિયાન, વિશ્વ બજાર પાછળ ઘરઆંગણે અમદાવાદ ઝવેરી બજારમાં સોનાના ભાવ ૧૦ ગ્રામદીઠ ઝડપી રૂ.૧૬૦૦ ઉછળી ૯૯૫ના ભાવ રૂ.૧૨૮૪૦૦ તથા ૯૯૯ના ભાવ રૂ.૧૨૮૭૦૦ બોલાયા હતા જ્યારે અમદાવાદ ચાંદીના ભાવ કિલોનારૂ.૩૦૦૦ ઉછળી રૂ.૧૫૯૦૦૦ બોલાયા હતા.
વિશ્વ બજારમાં સોના પાછળ ચાંદીના ભાવ પણ ઔંશના ૫૦.૧૬થી ૫૦.૧૭ વાળા વધી ઉંચામાં ભાવ ૫૧.૭૫ થઈ ૫૧.૨૦થી ૫૧.૨૧ ડોલર રહ્યા હતા. વિશ્વ બજારમાં વિવિધ પ્રમુખ કરન્સીઓ સામે ડોલરનો વૈશ્વિક ઈન્ડેક્સ ઘટતાં વૈશ્વિક સોનામાં ઘટાડે ફંડોની લેવાલી ફરી વધ્યાના નિર્દેશો મળ્યા હતા.
વૈશ્વિક ડોલર ઈન્ડેક્સ આજે ઉંચામાં ૧૦૦.૨૬ તથા નીચામાં ૧૦૦.૦૪ થઈ ૧૦૦.૦૮ રહ્યાના નિદેશો મળ્યા હતા. મુંબઈ કરન્સી બજારમાં આજે રૂપિયા સામે ડોલરના ભાવ ઉંચામાં રૂ.૮૯.૨૭ તથા નીચામાં રૂ.૮૯.૦૪ થઈ ઍછેલ્લે બંધ ભાવ રૂ.૮૯.૨૨ રહ્યા હતા.
દરમિયાન, મુંબઈ બુલિયન બજારમાં આજે સોનાના ભાવ જીએસટી વગર ૯૯૫ના રૂ.૧૨૨૮૧૪ વાળા રૂ.૧૨૪૮૪૦ થઈ રૂ.૧૨૪૬૧૮ રહ્યા હતા જ્યારે ૯૯૯ના ભાવ રૂ.૧૨૩૩૦૮ વાળા રૂ.૧૨૫૩૪૨ થઈ રૂ.૧૨૫૧૧૯ રહ્યા હતા. મુંબઈ ચાંદીના ભાવ આજે જીએસટી વગર રૂ.૧૫૩૬૫૦ વાળા રૂ.૧૫૭૦૧૯ થઈ રૂ.૧૫૬૩૨૦ બંધ રહ્યા હતા.
મુંબઈ સોના-ચાંદીમાં જીએસટી સાથેના ભાવ આ ભાવથી ૩ ટકા ઉંચા રહ્યા હતા. દરમિયાન, વિશ્વ બજારમાં પેલેડીયમના ભાવ ૧૩૭૨ વાળા ૧૪૦૭ થઈ ૧૩૯૩થી ૧૩૯૪ ડોલર રહ્યા હતા. પ્લેટીનમના ભાવ ૧૫૧૯ વાળા ૧૫૬૮ થઈ ૧૫૪૮થી ૧૫૪૯ ડોલર રહ્યા હતા. વૈશ્વિક ડોલરના ભાવ આજે ૧.૩૫થી ૧.૪૦ ટકા ઉંચકાયા હતા.
વિશ્વ બજરામાં ક્રૂડતેલના ભાવ બ્રેન્ટ ક્રૂડના૬૨.૧૨ વાળા ૬૩.૩૬ થઈ ૬૩.૦૭ ડોલર રહ્યા હતા. દરમિયાન, મુંબઈ કરન્સી બજારમાં આજે બ્રિટીશ પાઉન્ડના ભાવ ૩૮ પૈસા વધી ઉંચામાં ભાવ રૂ.૧૧૭.૨૪ થઈ છેલ્લે રૂ.૧૧૭.૨૨૦ રહ્યા હતા. યુરોપીયન કરન્સી યુરોના ભાવ બે પૈસા વધી રૂ.૧૦૨.૯૨ રહ્યા હતા
