UPI New Rules : દેશમાં મોટાભાગના લોકો UPIનો ઉપયોગ કરે છે, ત્યારે નેશનલ પેમેન્ટ્સ કોર્પોરેશન ઓફ ઇન્ડિયા (NPCI) યુપીઆઈથી પેમેન્ટ કરવાની રીત બદલવાની તૈયારીઓ શરૂ કરી દીધી છે. નવા ફેરફાર મુજબ પેમેન્ટ કરતી વખતે PIN દાખલ કરવાની જરૂર નહીં પડે. રિપોર્ટમાં દાવો કરાયો છે કે, એનપીસીઆઈ યુપીઆઈ પેમેન્ટ કરવા માટે ફેસ ઓથેન્ટિફિકેશન અથવા બાયોમેટ્રિક્સ સિસ્ટમ શરૂ કરવાની વિચારણા કરી રહી છે. આ નિયમ આવ્યા બાદ પિન દાખલ કરવાની પ્રક્રિયા વૈકલ્પિક બની જશે.
ફેસ ઓથેન્ટિફિકેશન અથવા બાયોમેટ્રિક્સ સુરક્ષિત
રિપોર્ટ મુજબ આ નવી સુવિધા શરૂ થયા બાદ યુઝર્સના પેમેન્ટની સુરક્ષા વધુ વધી જશે, જેનાથી ફ્રોડ-સ્કેમથી પણ બચી શકાશે. વર્તમાન સમયમાં યુપીઆઈથી પેમેન્ટ કરવા માટે ચારથી છ આંકડાનો પાસવર્ડ દાખલ કરવો પડે છે, આના વગર પેમેન્ટ કરવું અસંભવ છે. મહત્ત્વની વાત એ છે કે, ચારથી છ આંકડાના પાસવર્ડ કરતા ફેસ ઓથેન્ટિફિકેશન અથવા બાયોમેટ્રિક્સ ખૂબ જ સુરક્ષિત હોય છે.
નવા નિયમથી UPI પેમેન્ટનું શું ફેરફાર થશે?
જો યુપીઆઈથી પેમેન્ટ કરવા માટે પિનના બદલે ફેસ ઓથેન્ટિફિકેશન અથવા બાયોમેટ્રિક્સનો ઉપયોગ કરવામાં આવશે તો મોટી રાહત મળી શકે છે. આનાથી પેમેન્ડ કરવાની પ્રક્રિયા ઝડપી બનશે. આ નિયમ લાગુ થયા બાદ યુઝર્સ પોતાની બાયોમેટ્રિક માહિતી, જેમ કે ફિંગરપ્રિન્ટ, આંખની કીકી સ્કેન કરી અથવા અન્યનો ઉપયોગ કરીને યુપીઆઈથી પેમેન્ટ કરી શકશે.
આ પણ વાંચો : પાકિસ્તાનને ભારતનો વધુ એક ઝટકો, 40 વર્ષ જૂના ડ્રીમ પ્રોજેક્ટને સરકારનું ગ્રીન સિગ્નલ
