કોર્પોરેશનના
અલગ અલગ વિભાગમાં છેલ્લા બે વર્ષમાં ભરતી થયેલા હંગામી કર્મચારીઓ પૈકી 400
જેટલા કર્મચારીઓ
છેલ્લા થોડા સમયગાળામાં નોકરી છોડીને રાજ્ય સરકારના વિવિધ વિભાગોમાં જતા રહ્યા છે.
આ પાછળ ગુજરાત સરકાર દ્વારા યોજાયેલ વિવિધ ગ્રુપની પરીક્ષાઓના પરિણામ જાહેર થયા
હોવાનું જાણવા મળ્યું છે.
કોર્પોરેશને અલગ
અલગ ભરતી પ્રક્રિયામાં વિવિધ વિભાગોમાં પાંચ વર્ષથી ઉચ્ચક ફિક્સ પગારના
કર્મચારીઓની ભરતી કરી હતી. જેમાં 525 ક્લાર્કની ભરતી કરવામાં આવી હતી. તેવી જ રીતે
વિવિધ વિભાગોમાં ઉચ્ચક ભરતીથી કર્મચારીઓના ફિક્સ પગાર પર લેવામાં આવ્યા હતા.
તાજેતરમાં ગુજરાત સરકાર દ્વારા યોજાયેલ પરીક્ષા પૈકી ગ્રુપ એ,
બી અને સીના
પરિણામો જાહેર કરવામાં આવ્યા હતા. જેમાં 3500થી 3600 જેટલા કર્મચારીઓની ભરતી કરવામાં આવી છે.
જેમાં કોર્પોરેશનમાં ભરતી થયેલ 30 ટકા જેટલા ફિક્સ પગારના કર્મચારીઓની રાજ્ય
સરકારના અલગ અલગ વિભાગમાં નિમણૂંક થઈ હતી. તેઓ કોર્પોરેશનમાંથી નોકરી છોડી હવે
રાજ્ય સરકારના અલગ અલગ વિભાગમાં જવા લાગ્યા છે. કેટલાક કર્મચારીએ કોર્પોરેશનની
કાર્ય પ્રણાલી અને કામના ભારણથી રાજ્ય સરકારના સરખા પગાર અને ભથ્થાની નોકરી
સ્વીકારી હોવાનું કબૂલ્યું હતું.
