અમદાવાદ,શુક્રવાર,10
ઓકટોબર,2025
અમદાવાદના કાંકરિયા ખાતે આવેલા એકા કલબ ખાતે આજ શનિવારે
સાંજે ૭૦મા ફિલ્મફેર એવોર્ડનુ આયોજન કરવામા આવ્યુ છે.જે માટે બોલીવુડના અનેક
અભિનેતા, અભિનેત્રીઓ શુક્રવારે જ શહેરમા આવી પહોંચ્યા હતા.ફિલ્મ ફેર
એવોર્ડ સમારોહ સાંજના સમયે શરુ થવાનો છે. આમ છતાં સવારથી જ કાંકરિયા આસપાસના
રસ્તાઓ તેમજ લેકફ્રન્ટ પરિસરમા ચાલતી વિવિધ મનોરંજન પ્રવૃત્તિઓ બંધ રાખવાની
મ્યુનિસિપલ કોર્પોરેશને જાહેરાત કરી છે. પૂર્વ અમદાવાદના વિસ્તારોમાંથી પશ્ચિમ તરફ
અને પશ્ચિમના વિસ્તારોમાંથી પૂર્વના વિસ્તારોમાં રોજ હજારોની સંખ્યામાં લોકો
અવરજવર કરતા હોય છે.તેમને પણ શનિવારે એક દિવસ માટે તેમના ગંતવ્ય સ્થાન સુધી
પહોંચવામાં ફાંફા પડી જવાના છે.
કાંકરિયા જેવા
વિસ્તારમાં ફિલ્મફેર એવોર્ડ જેવી ઈવેન્ટનુ આયોજન કરતા અગાઉ આસપાસમા રહેતા લોકો
ઉપરાંત પૂર્વ અને પશ્ચિમ અમદાવાદને જોડતા રસ્તાઓ પણ સવારથી બંધ કરવા તથા ડાઈવર્ઝન
વાળા રસ્તાઓને લઈ જાહેરનામુ બહાર પાડવામા આવ્યુ છે.દિવાળી પર્વના દિવસોની શરૃઆત થઈ
ગઈ છે. આ પરિસ્થિતિમાં કાંકરિયા લેકફ્રન્ટમાં આવેલા ઝૂ, નોટકટરનલ ઝૂ, કિડઝ સિટી, બાલવાટીકા, નગીનાવાડી,બટરફલાય પાર્ક
સહિતની તમામ પ્રવૃત્તિઓ બંધ રાખવા મ્યુનિસિપલ કોર્પોરેશને નિર્ણય કરતા મુલાકાતીઓ પણ લેકફ્રન્ટ પરિસરની મુલાકાત
લઈ શકશે નહીં.એપ્રિલથી સપ્ટેમ્બર સુધીના સમયમાં ઝૂ,નોકટરનલ ઝૂ ઉપરાંત બટરફલાય પાર્કની મુલાકાતે ૬.૭૩ લાખ
મુલાકાતીઓ પહોંચ્યા હતા.પ્રવેશ ફીપેટે રુપિયા ૨.૫૮ કરોડની આવક થઈ હતી.દિવાળીના
પર્વ સમયે પણ લેકફ્રન્ટ પરિસર ફિલ્મફેર એવોર્ડ સમારોહ માટે થઈને બંધ કરવા કે
સમારોહ સ્થળની આસપાસના રસ્તાઓ આખા દિવસ માટે બંધ કરવાના નિર્ણયને લઈ સ્થાનિકોમા પણ
રોષ જોવા મળી રહયો છે. મુખ્ય કાર્યક્રમ સાંજના સમયે શરૃ થવાનો છે ત્યારે બપોર સુધી
રસ્તાઓ કે લેકફ્રન્ટ પરિસર લોકો માટે ખુલ્લા રાખી શકાયા હોત. વડાપ્રધાન કે અન્ય
મહાનુભવોના આગમન સમયે પણ આખા દિવસ માટે રસ્તા બંધ રખાતા નથી.આટલુ ઓછુ હોય તેમ
અમદાવાદ ફાયર વિભાગને ચાર ફાયર ફાઈટર અને પાંચ અધિકારીઓ સાથે બપોરના બે કલાકથી
રાત્રિના બાર કલાક સુધી સમારોહ સ્થળે સ્ટેન્ડ ટુ રહેવા સુચના આપવામા આવી છે.
ફિલ્મફેર એવોર્ડને AMTSની ૧૮૩ બસ ડાઈવર્ટ કરાશે
કાંકરિયા ખાતે આજે શનિવારે સાંજે
ફિલ્મફેર એવોર્ડ સમારોહ યોજાશે. સમારોહને ધ્યાનમા લઈ અમદાવાદ મ્યુનિસિપલ
ટ્રાન્સપોર્ટ સર્વિસ દ્વારા ૨૮ રુટ ઉપર દોડાવાતી ૧૮૩ બસના રુટ ડાઈવર્ટ
કરાશે.રાયપુર ચાર રસ્તાથી જમણીબાજુ પારસી અગિયારીથી વ્યાયામ વિદ્યાલય સુધી ઉપરાંત
શાહઆલમ ટોલનાકાથી પુષ્પકુંજ સુધી ,ન્યુ
કલોથ ચાર રસ્તાથી વાણિજયભવન,
અણુવ્રત સર્કલ સુધીના રુટ પ્રતિબંધિત કરવામા આવ્યા છે.
ફિલ્મફેર એવોર્ડ માટે હોર્ડિંગ્સ-બેનેર દુર કરાયા
આજે શનિવારે કાંકરિયા ખાતે યોજાનારા
ફિલ્મફેર એવોર્ડ સમારોહને ધ્યાનમા લઈ કોર્પોરેશન દ્વારા વિવિધ રસ્તા ઉપર આવેલા ૨૯૨
હોર્ડિંગ્સ,બોર્ડ,બેનર દુર કરવાની
સાથે ૮૨ જાહેરાત દુર કરી હતી.
