Vadodara Fire Brigade : વડોદરા ફાયર બ્રિગેડ અને તાત્કાલિક સેવા વિભાગ માટે ખાતાની જરૂરિયાત મુજબ કુલ 108 કે તેથી વધુ એવી ડ્યુટી લાઇસન્સ ધરાવતા ડ્રાઇવરો-મેન પાવરની કોન્ટ્રાક્ટરની મુદત પૂરી થાય અથવા નવા કોન્ટ્રાક્ટ અંગેની પ્રક્રિયા થાય એ પૈકી જે પહેલા થાય એ મુજબ આઉટ સોર્સથી લેવા અને સેવા બાબતે બિલોની ચુકવણી પાલિકા દ્વારા કરવાના કામને મંજૂરી અંગે સ્થાયી સમિતિ સમક્ષ રજૂ કરાયું છે.
ઉલ્લેખનીય છે કે વડોદરા પાલિકાના અગ્નિશમન અને તાત્કાલિક સેવા વિભાગ માટે ખાતાની જરૂરિયાત મુજબ કુલ 108 કે તેથી વધુ એવી ડ્યુટી લાઇસન્સ ધરાવતા ડ્રાઇવરો-સ્કિલ્ડ મેન પાવર પ્રતિદિન આઠ કલાક મુજબ હાલના કોન્ટ્રાક્ટર અલ્ટ્રા મોડેલ એજન્સી-મહેસાણા પાસેથી વિવિધ તારીખોએ લેવાયા હતા. આ અંગે અગાઉની ટેંડરોની શરત મુજબ અને ભાવ તથા સરકારી લઘુતમ વેતન મુજબ આવતી સેવાઓ માટે વધુ ત્રણ મહિના ઓક્ટોબરથી જાન્યુઆરી સુધી અલ્ટ્રા મોર્ડન એજન્સી-મહેસાણા પાસેથી નવા કોન્ટ્રાક્ટની મુદત કે પછી ટેન્ડર પ્રક્રિયા પૂરી ન થાય એ મુજબ જરૂરિયાત પ્રમાણે આઉટ સોર્સથી લેવા તથા સેવા અંગે તમામ બિલનું ચુકવણું પાલિકા તંત્ર દ્વારા કરવા બાબતે દરખાસ્ત મંજૂરી અંગે રજૂ કરવામાં આવી છે.
