– યુવાનને ગંભીર હાલતે હોસ્પિટલે ખસેડાયો
– યુવાને 7 વર્ષ પહેલા દવાખાના ખર્ચ માટે રૂ. 1.50 લાખ શખ્સ પાસેથી લીધા હતા
ભાવનગર : સિહોરના ગામના વતની અને હાલ ભાવનગર શહેરના જમનાકુંડ મટન માર્કેટ પાસે રહેતા યુવાને વ્યાજે લીધેલા રૂપિયાની ઉઘરાણી કરી ધમકી આપી ત્રાસ આપતો હોય આ ત્રાસથી કંટાળી યુવાને એસિડ ગટગટાવી લીધુ હતું.
મૂળ સિહોરના ગામના વતની અને હાલ ભાવનગર શહેરના જમનાકુંડ મટન માર્કેટ પાસે રહેતા રવિભાઈ કાળુભાઈ નૈયા એ આજથી સાતેક વર્ષ પહેલાં મારા ઘરમાં દવાખાનાનો ખર્ચ આવેલ હોય જેથી જગદિશ જેન્તીભાઈ સોલંકી પાસેથી રૂ.૧,૫૦,૦૦૦ ૧૦ ટકા વ્યાજે લીધા હતા. અને આ પૈસાનું નિયમિત વ્યાજ રવિભાઈ ભરતા હતા. અને વ્યાજ પટે રવિભાઈ આજદિન સુધીમાં રૂ. ૭૦,૦૦૦ ચૂકવી આપ્યા હતા. અને હજી જગદિશને રૂ.૪,૨૫,૦૦૦ ચુકવવાના બાકી છે. અને છેલ્લા ઘણા સમયથી મારી મજુરીકામ બરાબર ચાલતું ન હોય જેથી જગદિશને વ્યાજની રકમ ચુકવી શકેલ નહિ જેથી જગદિશ અવાર નવાર રવિભાઈ ઘરે ભાવનગર આવી પૈસાની કડક ઉઘરાણી કરી ત્રાસ આપતા હતા.જગદીશ અવર નવાર ઉઘરાણી કરી યુવાનને ત્રાસ આપતો હોય આ ત્રાસથી કંટાળી રવિભાઈએ બાથરૂમમાં રાખેલ એસિડ પી લીધું હતી. યુવાનને ગંભીર હાલતે હોસ્પિટલે ખસેડવામાં આવ્યા હતા.આ બનાવ સંદર્ભે રવિભાઈએ શખ્સ વિરૂધ્ધ ગંગાજળિયા પોલીસ મથકમાં ફરિયાદ નોંધાવતા પોલીસે વધુ તપાસ હાથ ધરી છે.
યુવાનના બેનને ફોન કરી શખ્સ ધમકી આપતો હતો
જગદીશ નામનો શખ્સ રવિભાઈના બેન જ્યોતિબેનને ફોન કરીને ભાઈએ લીધેલા રૂપિયાની ઉઘરાણી કરી લેવાના નિકળે છે તે મને આપી દો નહીતર જોયા જેવી થશે તેવી ધમકી આપી ત્રાસ આપતો હતો.
