મુંબઈ : ભારતમાં ઈક્વિટી માર્કેટની જેમ ક્રિપ્ટોકરન્સીઝની વેપાર પ્રવૃત્તિ પણ શહેરી વિસ્તારો કરતા દ્વીતિય, તૃતિય તથા ચતુર્થ શ્રેણી જેવા નાના શહેરોમાં વધુ જોવા મળી રહી છે. ૨૦૨૫માં દેશમાં ક્રિપ્ટોકરન્સીઝમાં થયેલા એકંદર કામકાજમાં ૭૫ ટકા કામકાજ નાના શહેરોમાં થયા હોવાનું એક રિપોર્ટમાં જણાવાયું છે.
ક્રિપ્ટોકરન્સીઝમાં થયેલા કુલ ઈન્વેસ્ટમેન્ટમાંથી ૧૩ ટકા ઉત્તર પ્રદેશમાંથી, ૧૨ ટકા મહારાષ્ટ્રમાંથી તથા ૭.૯૦ ટકા કર્ણાટકમાંથી જોવાયું છે.
૨.૫૦ કરોડ વપરાશકારોના ડેટાને આધારે તૈયાર કરાયેલા રિપોર્ટમાં વધુમાં જણાવાયું છે કે, કુલ વપરાશકારોમાંથી ૩૨.૨૦ ટકા દ્વીતિય શ્રેણીના શહેરોમાં જોવાયા હતા જ્યારે તૃતિય તથા ચતુર્થ શ્રેણીના શહેરોમાં આ આંક ૪૩ ટકાથી વધુ રહ્યો છે.
ભારતમાં ક્રિપ્ટોકરન્સીઝમાં થતી મોટાભાગની પ્રવૃત્તિ મોટા શહેરોની બહારના વિસ્તારમાંથી થતી હોવાનું જોવા મળે છે. ભારતની ક્રિપ્ટો માર્કેટ માટે ૨૦૨૫ના વર્ષમાં એકદમ પરિપકવતા આવી ગઈ છે. રોકાણકારો હવે એકદમ માહિતીસભર અને વિશ્વસ્નિય નિર્ણયો લેતા થયા છે.
મહાનગરોમાંથી ક્રિપ્ટો બજારમાં મજબૂત રસ ઊભો થવાનું જળવાઈ રહ્યું છે પરંતુ દેશના નાના શહેરોમાં સ્વિકૃતિમાં વધારો થઈ રહ્યો છે. અને ૨૦૨૫માં ક્રિપ્ટો માર્કેટમાં કુલ પ્રવૃત્તિમાંથી ૭૫ ટકા નાના શહેરોમાંથી જોવા મળી છે. ભારતીય ઈક્વિટીસમાં પણ નાના શહેરોમાંથી વધુ સહભાગીઓ જોવા મળી રહ્યા છ.ે
ભારતની ક્રિપ્ટો બજારમાં સૌૈથી વધુ સહભાગ ૨૫-૩૫ની વચ્ચેની વયના યુવાનોનો રહ્યો છે. કુલ પ્રવૃત્તિમાંથી ૪૫ ટકા પ્રવૃત્તિ આ વયના યુવાનો દ્વારા કરવામાં આવે છે. ક્રિપ્ટોકરન્સીઝમાં સૌથી વધુ રોકાણ બિટકોઈનમાં થયું છે.
