મુંબઈ : મુંબઈ કરન્સી બજારમાં આજે રૂપિયા સામે ડોલરના ભાવ આરંભમાં ઘટયા પછી ફરી વધી આવ્યા હતા ડોલરનો ભાવ રૂ.૯૦.૨૬ વાળા આજે સવારે રૂ.૯૦.૧૩ ખુલ્યા પછી નીચામાં ભાવ ઈન્ટ્રા-ડે રૂ.૯૦ની અંદર ઉતરી રૂ.૮૯.૯૬ સુધી ગયા પછી ડોલરના ભાવ આંચકા પચાવી બપોર પછી ફરી વધી રૂ.૯૦ની સપાટી નવેસરથી પાર કરી ઊંચામાં ભાવ રૂ.૯૦.૨૯ સુધી જઈ મોડી સાંજે મળેલા સમાચાર મુજબ રૂપિયા સામે ડોલરના ભાવ નીચામાં રૂ.૮૯.૨૫ સુધી ઉતરી છેલ્લે બંધ ભાવ રૂ.૮૯.૨૭ રહ્યા આમ ડોલર સામે આજે રૂપિયો એકંદરે ૯૯ પૈસા ઉછળ્યો હતો. આજે ડોલર સામે રૂપિયામાં થયેલી એક દિવસીય વૃદ્ધીમાં છેલ્લા ૩ વર્ષનો રેકોર્ડ ,તૂટયો હતો.
મુંબઈ કરન્સી બજારમાં ચર્ચાતી વાતો મુજબ રિઝર્વ બેન્કની સક્રિયતા વચ્ચે આજે વિવિધ સરકારી બેન્કો હાજર તથા સફોરવર્ડમાં ડોલર વેૅંચતી થતાં રૂપિયો ઝડપી ઉંચકાયો હતો. મુંબઈ કરન્સી બજાર આજે બંધ થયા પૂર્વેના અડધા કલાકમાં રિઝર્વ બેન્કની સક્રિયતા વધુ જોવા મળી હતી. મુંબઈ શેરબજારમાં આંચકા પચાવી આજે ફરી તેજી આવતાં તેની પોઝીટીવ ઈમ્પેક્ટ રૂપિયા પર જોવા મળી હતી.
દરમિયાન, વિશ્વ બજારમાં ક્રૂડતેલના ભાવ આજે વધી આવતાં તથા ઘરઆંગણે શેરબજાર ઉછળતાં કરન્સી બજારમાં ડોલર તથા રૂપિયાના ભાવમાં બેતરફી ઉછળકુદ દેખાઈ હતી. ભારતમાં આજે રિઝર્વ બેન્કના જણાવ્યા મુજબ ફોરેક્સ રિઝર્વ ૧.૬૮ અબજ ડોલર વધી ૬૮૮.૯૩ અબજ ડોલર થયાના નિર્દેશો હતા. આની અસર હવે ડોલર સામે રૂપિયાના ભાવ પર પોઝીટીવ પડવાની ગણતરી બજારના જાણકારો બતાવી રહ્યા હતા. દરમિયાન, ગોલ્ડ રિઝર્વ ૦.૭૬ અબજ ડોલર વધી ૧૦૭.૭૪ અબજ ડોલર થયાનું આરબીઆઈના સૂત્રોએ જણાવ્યું હતું.
બ્રિટનમાં ગુરૂવારે વ્યાજના દરમાં ઘટાડો થયા પછી જાપાનથી આજે મળેલા સમાચાર મુજબ ત્યાં વ્યાજના દર વધારી સરકારે ૩૦ વર્ષની નવી ઉંચી સપાટીએ જારી કર્યાના સમાચાર મળ્યા હતા. ત્યાં આગળ ઉપર વ્યાજના દરમાં વધુ વૃદ્ધી કરવામાં આવશે એવી શક્યતા ત્યાંના તજજ્ઞાો બતાવી રહ્યા હતા. મુંબઈ કરન્સી બજારમાં આજે રૂપિયા સામે જાપાનની કરન્સીના ભાવ ૧.૯૫ ટકા ગબડયા હતા. વિશ્વ બજારમાં પણ ડોલર સામે જાપાનની કરન્સી આજે દબાણ હેઠળ જોવા મળી હતી.
દરમિયાન, વિશ્વ બજારમાં વિવિધ પ્રમુખ કરન્સીઓ સામે ડોલરનો વૈશ્વિક ઈન્ડેક્સ આજે ૦.૨૪ ટકા વધ્યો હતો. ડોલરનોગ્લોબલ ઈન્ડેક્સ નીચામાં ૯૮.૪૨ તથા ઉંચામાં ૯૮.૬૯ થઈ ૯૮.૬૬ રહ્યાના નિર્દેશો હતા. મુંબઈ બજારમાં રૂપિયા સામે બ્રિટીશ પાઉન્ડટના ભાવ આજે ૧૦૧ પૈસા તૂટી નીચામાં ભાીવ રૂ.૧૧૯.૪૭ થઈ છેલ્લે ભાવ રૂ.૧૧૯.૪૭ જ રહ્યા હતા. યુરોપીયન કરન્સી યુરોના ભાવ રૂપિયા સામે આજે ૧૨૪ પૈસૈા ગબડી નીચામાં ભાવ રૂ.૧૦૪.૫૬ થઈ છેલ્લે ભાવ રૂ.૧૦૪.૫૬ જ રહ્યા હતા. ચીનની ૧.૦૯ ટકા તૂટી હતી.
ફોરેક્સ ભાવ
|
ડોલર |
રૃા. ૮૯.૨૭ |
|
પાઉન્ડ |
રૃા. ૧૧૯.૪૭ |
|
યુરો |
રૃા.૧૦૪.૫૬ |
|
યેન |
રૃા. ૦.૫૭ |
