વડોદરા શહેરમાં બોમ્બ બ્લાસ્ટ ની ધમકીઓના માહોલ વચ્ચે બોર્ડની પરીક્ષાઓ આવી રહી હોવાથી પોલીસ અધિકારીઓએ સ્કુલ સંચાલકો સાથે મીટીંગ કરી હતી.
વડોદરાની સ્કૂલોમાં બોમ્બ બ્લાસ્ટના ઇમેલ મળી રહ્યા છે તેવા સમયે બોર્ડની પરીક્ષાઓ આવી ગઈ હોવાથી વિદ્યાર્થીઓ ડિસ્ટર્બ ના થાય અને સ્કૂલોમાં પરીક્ષા દરમિયાન અફરાતફરી ના સર્જાય તે હેતુથી પોલીસ કમિશનરે વડોદરા ના સ્કૂલ સંચાલકો સાથે મીટીંગ કરી હતી.
આ મિટિંગમાં ઉચ્ચ પોલીસ અધિકારીઓ પણ હાજર રહ્યા હતા અને પરીક્ષા દરમિયાન બોમ્બ બ્લાસ્ટની ધમકી મળે તો પરીક્ષાર્થીઓ પેનિક ના થાય તે માટે શાંતિપૂર્વક અને ધીરજથી કામ લેવા તેમજ સ્કૂલના સ્ટાફ અને સિક્યુરિટીને પણ તેવી જ રીતે તૈયાર રાખવા સૂચનો કરવામાં આવ્યા હતા.
