જિલ્લા-તાલુકા પંચાયતના મતદારો માટે બે અલગ-અલગ ઈવીએમ હશે
ચૂંટણી કર્મચારીઓની તાલીમ શરૃ, મલ્ટી ચોઈસ-સીંગલ ચોઈસ ઈવીએમ મુકાશે
ભાવનગર – ભાવનગર જિલ્લાની સ્થાનિક સ્વરાજ્યની ચૂંટણીમાં મલ્ટી ચોઈસ અને સીંગલ ચોઈસ ઈવીએમમાં મતદારો મતદાન આપશે. મતદાન આપવા આવતા મતદારોને કોઈ અવ્યસ્થા ન થાય તેમજ ચૂંટણી લગતી અન્ય કામગીરી માટે કર્મચારીઓને તાલીમ આપવાનું શરૃ કરાયું છે.
ભાવનગર જિલ્લામાં ૦૩ નગરપાલિકા, ૧૦ તાલુકા પંચાયત, જિલ્લા પંચાયત અને ભાવનગર મહાનગરપાલિકાની સામાન્ય ચૂંટણી યોજાનાર છે. આ ચૂંટણીઓમાં ઈવીએમથી મતદાન થવાનું છે. જેમાં કોર્પોરેશન અને ત્રણ નગરપાલિકામાં એક વોર્ડમાં ચાર-ચાર સભ્ય હોવાથી મલ્ટી ચોઈસ ઈવીએમમાં એક મતદાર ૪ મત આપી શકશે. તો જિલ્લા પંચાયત અને તાલુકા પંચાયતના મતદારો માટે મતદાન મથકોમાં સીંગલ ચોઈસના બે અલગ-અલગ ઈવીએમની વ્યવસ્થા રાખવામાં આવશે. ઈવીએમમાં ચૂંટણી લડતા ઉમેદવારોની સાથે નોટાનો પણ વિકલ્પ ઉપલબ્ધ હશે. વધુમાં સામાન્ય ચૂંટણીમાં જે બેઠકો બિનહરીફ થઈ હશે તેમાં મતદાન કરવાનું રહેશે તેમ સત્તાવાર સૂત્રોએ જણાવ્યું છે.
