Jamnagar : જામનગર શહેરના ગોકુલનગર વિસ્તારમાંથી 20 વર્ષીય યુવતી ગુમ થતાં પરિવારજનોએ પોલીસમાં જાણ કરતા પોલીસે ગુમ થયાની નોંધ દાખલ કરી તપાસ હાથ ધરી છે.
મળતી માહિતી મુજબ પીન્ટુભાઈ શામજીભાઈ બારીયા (ઉ.વ.25, રહે.ગોકુલનગર ખોડિયારનગર શેરી નં.4) જામનગર દ્વારા સીટી “સી” ડિવિઝન પોલીસ સ્ટેશનમાં જાણ કરવામાં આવી હતી કે તેમની બહેન ધારાબેન શામજીભાઈ બારીયા (ઉ.વ.20, રહે. ગોકુલનગર ખોડિયાર કોલોની શેરી નં.4, જામનગર તા.04/05/2026ના રોજ સવારે અંદાજે 8:00 વાગ્યાના સમયે કોઈને કશું કહ્યા વગર ઘરેથી ક્યાંક ચાલી ગઈ હતી.
પરિવારજનોએ સગા-સંબંધીઓ સહિત સંભવિત સ્થળોએ શોધખોળ હાથ ધરી હતી, પરંતુ યુવતીનો કોઈ પત્તો લાગ્યો ન હતો. અંતે સીટી “સી” ડિવિઝન પોલીસ સ્ટેશનમાં ગુમ નોંધ કરવામાં આવી હતી.
