વડોદરાઃ શહેરના ફતેગંજ વિસ્તારમાં કારમાં આગ લાગવાનો વધુ એક બનાવ બનતાં લોકોએ આગ બૂઝાવવા પ્રયાસ કર્યો હતો.શહેર પાસે ભારતમાલા હાઇવે પર કારમાં આગ લાગતાં ચાલકનું મોત થયું હતું.ત્યારબાદ ગોત્રીમાં પણ કારમાં આગ લાગી હતી.
ફતેગંજ કોન્વેન્ટ સ્કૂલ નજીક આજે સવારે પાર્ક કરેલી એક કારના એન્જિનના ભાગે એકાએક આગ લાગતાં લોકોમાં ગભરાટ ફેલાયો હતો.આસપાસમાં બીજા કોઇ વાહનો પાર્ક નહિ હોવાથી વધુ નુકસાન થતું અટક્યું હતું.
કારની આગ એટલી ભયાનક હતી કે થોડી જ વારમાં આખી કાર આગની ચપેટમાં આવી ગઇ હતી.ફાયર બ્રિગેડ આવે તે પહેલાં લોકોએ પાણી છાંટી આગ કાબૂમાં લેવાનો પ્રયાસ કર્યો હતો.ફાયર બ્રિગેડે આગ કાબૂમાં લીધી હતી,પરંતુ આગનું કારણ હજી જાણી શકાયું નથી.
