Petrol Diesel Price Hike : આંતરરાષ્ટ્રીય બજારમાં ચાલી રહેલી હલચલ વચ્ચે દેશમાં પેટ્રોલ અને ડીઝલના ભાવમાં ફરી એકવાર ઝીંકાયેલા વધારાથી સામાન્ય જનતાના ખિસ્સા પર બોજો વધ્યો છે. છેલ્લા ગણતરીના દિવસોમાં ઈંધણના ભાવમાં આ ચોથી વખત વધારો કરવામાં આવ્યો છે. આ નવા વધારા બાદ દેશના મુખ્ય મહાનગરોમાં પેટ્રોલ અને ડીઝલના ભાવ સર્વોચ્ચ સપાટીએ પહોંચી ગયા છે.
જાણો કેટલો થયો વધારો?
તાજા ફેરફાર મુજબ, પેટ્રોલમાં પ્રતિ લિટરે ₹2.61 અને ડીઝલમાં પ્રતિ લિટરે ₹2.71 નો વધારો કરવામાં આવ્યો છે. આ નવી કિંમતો 25 મેની સવારે 6 વાગ્યાથી દેશભરમાં લાગુ થઈ ગઈ છે.
ચાર મુખ્ય મહાનગરોમાં ઈંધણના નવા ભાવ (પ્રતિ લીટર)
10 દિવસમાં પેટ્રોલ-ડીઝલ 8 રૂપિયા પ્રતિ લિટર સુધી મોંઘા
અગાઉ 23 મેના રોજ ત્રીજી વખત પેટ્રોલના ભાવમાં 87 પૈસા પ્રતિ લીટર અને ડીઝલના ભાવમાં 91 પૈસા પ્રતિ લિટરનો ઝીંકાયો હતો. આ વધારા સાથે મે મહિનામાં અત્યાર સુધીમાં પેટ્રોલ અને ડીઝલ અંદાજે 5 રૂપિયા જેટલા મોંઘા થઈ ચૂક્યા હતા. જેના બાદના આજના વધારા સાથે પેટ્રોલ ડીઝલ હવે પ્રતિ લીટર 7.50 થી 8 રૂપિયા સુધી મોંઘા થઈ ચૂક્યા છે.
શા માટે વધી રહ્યા છે ભાવ?
સરકારી અધિકારીઓના જણાવ્યા અનુસાર, વૈશ્વિક સ્તરે સતત વધી રહેલા ભૌગોલિક-રાજકીય તણાવ (Geo-political tensions) અને ઊર્જા બજારમાં ઉતાર-ચઢાવને કારણે આયાત ખર્ચ વધી ગયો છે. દેશમાં ઈંધણનો પુરવઠો સ્થિર રાખવા માટે આ ભાવવધારો કરવો જરૂરી બન્યો હતો. નિષ્ણાતોના મતે, આ સતત વધારાને કારણે આગામી દિવસોમાં ટ્રાન્સપોર્ટેશન અને લોજિસ્ટિક્સનો ખર્ચ વધશે, જેની સીધી અસર દૂધ, શાકભાજી અને અન્ય જરૂરી ચીજવસ્તુઓના ભાવ પર પડી શકે છે.
