Aligarh Road Accident: ઉત્તર પ્રદેશમાં અલીગઢના ફિરોઝાબાદની પોલીસ ટીમ મુઝફ્ફરનગરમાં એક કેદીને પોલીસ વાનમાં કોર્ટ લઈ જઈ રહી હતી. ગુરુવારે સવારે લગભગ 8:30 વાગ્યે અલીગઢ જિલ્લાના લોઢા પોલીસ સ્ટેશન વિસ્તારમાં બાયપાસ હાઇવે પર ચિકાવતી વળાંક પર આ પોલીસ વાન પાર્ક કરેલા કેન્ટર સાથે અથડાઈ હતી. આ અકસ્માતમાં એક સબ-ઇન્સ્પેક્ટર, આરોપી અને ત્રણ પોલીસકર્મીઓ સહિત પાંચ લોકોના ઘટનાસ્થળે જ મોત થયા હતા. તેમજ એક પોલીસકર્મી ઘાયલ થયો છે.
અલીગઢમાં ગંભીર અકસ્માત
માહિતી મળતાં જ અલીગઢ પોલીસ અધિકારીઓ ફોર્સ અને ક્રેન સાથે ઘટનાસ્થળે પહોંચી ગયા. પોલીસે ઘાયલ કોન્સ્ટેબલને સારવાર માટે મેડિકલ કોલેજમાં દાખલ કર્યો. તેમજ મૃતદેહોને પોસ્ટમોર્ટમ માટે મોકલી દેવામાં આવ્યા છે. પોલીસે પણ આગળની કાર્યવાહી શરૂ કરી દીધી છે.
આરોપી અને એક પોલીસકર્મીનું ઘટનાસ્થળે જ મોત
મળતી માહિતી મુજબ, પોલીસ વાન હાઇવે પર ઉભેલા ટ્રક સાથે અથડાઈ ગઈ. જેના કારણે આટલો મોટો અકસ્માત થયો. એક પ્રત્યક્ષદર્શીએ જણાવ્યું કે તે પોતાના ખેતરમાં કામ કરી રહ્યો હતો. આ દરમિયાન એક જોરદાર અવાજ આવ્યો, તેથી જ્યારે તે સ્થળ પર ગયો ત્યારે તેણે જોયું કે પોલીસનું વાહન પાર્ક કરેલા કન્ટેનર સાથે અથડાયું હતું.
આ પણ વાંચો: તેલંગાણામાં નક્સલવાદીઓ સાથે અથડામણમાં ત્રણ પોલીસકર્મી શહીદ, ટાર્ગેટ બનાવી કર્યો હતો હુમલો
પોલીસ વાહનમાં કુલ છ લોકો સવાર હતા, તેમાંથી પાંચ પોલીસકર્મી અને એક આરોપી ગંભીર રીતે ઘાયલ થયા હતા. આરોપી અને એક પોલીસકર્મીનું ઘટનાસ્થળે જ મોત નીપજ્યું. જ્યારે અન્ય ત્રણ પોલીસકર્મીઓ પાછળથી મૃત્યુ પામ્યા.
