ગાંધીનગર-ચિલોડા હાઇવેના સર્વિસ રોડ ઉપર
૩૦મી નવેમ્બરની રાતે બીએસએફ કેમ્પસમાં રાઇઝીંગ ડેનો કાર્યક્રમ હોય કોન્સટેબલ દીકરીને લઇને જોવા આવ્યો હતો
ગાંધીનગર : ગાંધીનગર-ચિલોડા હાઇવે જાનલેવા અકસ્માતો સર્જાવા માટે
કુખ્યાત બની ચૂક્યો છે. તારીખ ૩૦મી નવેમ્બરની રાત્રે બીએસએફ કેમ્પસમાં રાઇઝીંગ
ડેનો કાર્યક્રમ હોય કોન્સટેબલ તેની ૫ વર્ષની માસુમ બાળકીને તે દેખાડવા માટે લાવ્યો
હતો. બાદમાં ઘરે જતી વખતે સવસ રોડ પર બંધ હાલતે પડેલી આર્મી ટ્રકની પાછળ તેનું
બાઇક અથડાઇ પડતાં આગળ બેસાડેલી દિકરીનું કરૃણ મૃત્યુ થયુ હતો. જ્યારે કોન્સટેબલને
ગંભીર ઇજા થઇ હતી.
ચિલોડા પોલીસ મથકમાં આ બનાવ સંબંધે અસરગ્રસ્ત બનેલા
લેકાવાડા સ્થિત બીએસએફના કોન્સટેબલ રોશન વિશ્વકર્મા ભીમ વિશ્વકર્મા નામના ૩૪ વષય
યુવાન દ્વારા ફરિયાદ નોંધાવવામાં આવી છે. જ્યારે અકસ્માતના આ બનાવમાં તેની ૫ વષય
દિકરી આદિત્રીનું મૃતયુ થયુ હતું. ફરિયાદમાં જણાવવામાં આવ્યા પ્રમાણે મોટા
ચિલોડામાં રહેતા મુળ પશ્ચિમ બંગાળના વતની રોશન વિશ્વકર્મા બીએએસએફ કેમ્પસમાં
કોન્સટેબલ તરીકે નોકરી કરતા હોય ગત તારીખ ૩૦મી નવેમ્બરે કેમ્પસમાં રાઇઝીંગ ડેની
ઉજવણીનો કાર્યક્રમ હોવાથી તેની દિકરીને આ કાર્યક્રમ બતાવવા સાથે લઇને આવ્યો હતો.
કાર્યક્રમ બાદ રાત્રે ૧૦ વાગ્યાના અરસામાં ઘરે પરત જવા નીકળ્યા ત્યારે દિકરીને આગળ
બેસાડીને બાઇક પર જઇ રહ્યા હતાં. દરમિયાન સવસ રોડ આડશ મુક્યા વગર કે રિફલેક્ટર
લગાડયા વગર પર બંધ હાલતમાં મુકી દેવામાં આવેલી આર્મીની ટ્રક પાછળ તેનું બાઇક અથડાઇ
પડયુ હતું. પિતા-પુત્રીને આ અકસ્માતના પગલે ગંભીર ઇજા પહોંચી હતી. કોઇએ ૧૦૮ને ફોન
કરીને એમ્બ્યુલન્સને બોલાવી સારવાર માટે સિવિલ હોસ્પિટલમાં ખસેડયા હતાં. જ્યાં
દિકરીને તબિબો દ્વારા નિષ્પ્રાણ જાહેર કરવામાં આવી હતી. પોલીસે આ ફરિયાદ સંબંધે
ગુનો નોંધી કાયદેસરની કાર્યવાહી કરી હતી.
