અમદાવાદ, રવિવાર
શહેરના રાયખડમાં રહેતા અને એક કંપનીના ડીસ્ટ્રીબ્યુટર તરીકે કામ કરતા વેપારી પાસેથી ઘંઉના લોટના ૩૦ કટ્ટા મંગાવીને નાણાં નહી ચુકવીને આબાદ છેતરપિંડી આચરી હોવાની ફરિયાદ ગાયકવાડ હવેલી પોલીસ મથકે નોંધવામાં આવી છે.
રાયખડમાં રહેતા કુતુબુદ્દીન ગાંધી દાહોદમાં આવેલી એક ફુડ કંપનીના ડીસ્ટ્ી્બ્યુર તરીકે કામ કરે છે. તેમની કંપનીની ઓફિસે યશ નામના વ્યક્તિએ ફોન કરીને જણાવ્યું હતું કે તેને ૧૦૦ કટ્ટા ઘંઉનો લોટ જોઇએ છે. જેથી કંપનીના મેનેજરે કુતુબુદ્દીનને ફોન કરીને યશ નામના વ્યક્તિ સાથે વાત કરવા માટે કહ્યંઇ હતું. કુતુબુદ્દીને યશને ફોન કરતા યશે જણાવ્યું કે તેને ૧૦૦ કટ્ટા ઘંઉનો લોટ જોઇતો છે. આ માટે તેણે તાત્કાલિક પેમેન્ટ કરવા માટે બેંક એકાઉન્ટ નંબર માંગ્યો હતો. પરંતુ, કુતુબુદ્દીન પાસે ૩૦ કટ્ટા જ ઘંઉનો લોટ હોવાથી તેમણે બાકી કટ્ટા બાદમાં મોકલી આપવાનું કહ્યું હતું. જેથી વિશ્વાસ કરીને વેપારીએ ૩૦ કટ્ટા પોર્ટરથી મોકલી આપ્યા હતા.
બીજી તરફ યશે આપેલો ૯૮ હજારનો ચેક બાઉન્સ થયો હતો. જેથી વેપારીને શંકા જતા પોર્ટરના ડીલીવરી મેનનો સંપર્ક કરીને તપાસ કરતા જાણવા મળ્યું હતું તેણે ઘાટલોડીયા ચાંદલોડીયા બ્રીજ પાસે એક વ્યક્તિ લઇ ગયો હતો અને ત્યાં કટ્ટા ઉતારાય્ હતા. આ અંગે ત્યાં રહેતા વૃદ્ધાને પુછતા જાણવા મળ્યું હતું કે તેમનો પુત્ર મિતેષ આ કટ્ટા લઇ ગયો હતો. મિતેષને પુછતા તેણે જણાવ્યું હતું કે યશ પટેલ નામના વ્યક્તિએ તેને સસ્તામાં ઘંઉના લોટના કટ્ટા સસ્તામાં આપવાનું કહ્યું હતું. જેથી તેણે ડીલ નક્કી કરીને માલ લઇને નાણાં ચુકવી આપ્યા હતા. યશના નામના વ્યક્તિએ આ મોડ્સ ઓપરેન્ડીથી અન્ય વેપારીઓ સાથે પણ છેતરપિંડી કરી હોવાની પ્રાથમિક વિગતો સામે આવી છે. આ અંગે પોલીસે વધુ તપાસ શરૂ કરી છે.
